Супрацоўнікі фондаў Браслаўскага раённага аб’яднання музеяў для чарговай публікацыі прапанавалі набор для настольнай гульні. У анатацыі яна пазначана пад назвай «Рычы-рач», праўда, правілаў для яе не было.
Гульня ўяўляе сабой з аднаго боку поле для шахмат, а з другога — рознакаляровую паверхню для гульні фішкамі. Зрабіў яе ў 1930-я гады Язэп Жабінскі з вёскі Трабшы для сваёй дачкі Марыі. У музей экспанат прынесла Ядвіга Пуйша, унучка майстра. Магчыма, гэтымі сціслымі радкамі артыкул і скончыўся б, аднак, пакуль ён рыхтаваўся да публікацыі, гісторыя атрымала нечаканы працяг…
Шукаючы падарунак для дзіцяці на дзень нараджэння, у адным з магазінаў Браслава звярнула ўвагу на невялікую ўпакоўку, дзе была змешчана выява падобнай гульні. Больш за тое! З аднаго боку было поле для шахмат, з другога… Як вы ўжо здагадаліся, падобнае рознакаляровае поле для гульні з фішкамі! Аднак ніякай анатацыі, на жаль, таксама не было. Разам з супрацоўнікамі музея з дапамогай інтэрнэту мы адшукалі назву — лудо. Далейшае вывучэнне паказала, што забава ўзнікла са старажытнай індыйскай гульні пачысі і існуе некалькі яе варыянтаў пад рознымі назвамі. Аднак правілы практычна аднолькавыя: прывесці свае фішкі ў цэнтр поля (дом).
Вось такія экспанаты з цікавымі гісторыямі можна ўбачыць падчас разнастайных выставак, таму наведвайце музей і пашырайце свой кругагляд!
■ Алена НАБЕЕВА.
Фота аўтара.
В числе тех, кто в первые месяцы после аварии работал на загрязненной территории, был и…
Прыкладна паўтара года таму назад механізатар ААТ «Друйскі» Фёдар Ерашонак атрымаў ключы ад новенькага «Амкадора».…
В рамках одноименной акции работники Браславского районного отдела по ЧС проводят масштабную профилактическую работу, чтобы…
Денис ГЛЕБКО, официальный представитель Полоцкого пограничного отряда: – Глава нашего государства неоднократно подчеркивал и подчеркивает:…
В рамках рабочей поездки в Витебскую область, посещая Браславский район, председатель Палаты представителей Национального собрания…
В четверг, 25 апреля, в 9.15 утра в Браславский РОЧС поступило сообщение о пожаре в…