Атмасферу свята спорту і адпачынку арганічна дапаўняла адносна неблагое надвор’е. Станоўчыя эмоцыі выклікала і колькасць заўленых да ўдзелу каманд: сёлета іх было 11. Памерацца сіламі ў турыстычных выпрабаваннях заявіліся каманды аддзела адукацыі, спорту і турызму райвыканкама, КУП ЖКГ “Браслаў-камунальнік”, падлеткавага туберкулёзнага рэабілітацыйнага цэнтра, Відзаўскага каледжа, філіялаў “Браслаўрыба”, “Браслаўскі хлебазавод” і ААТ “Глыбоцкі малочна-кансервавы камбінат”, зборная каманда аграгарадка Слабодка “Жгут”, Браслаўрайгаз, РКЦ №5 ААТ “Белаграпрамбанк” у г.Браславе і каманда выпускнікоў цэнтра дзяцей і моладзі.
Права падняць сцяг на адкрыцці турзлёту было прадастаўлена леташнім яго пераможцам – прадстаўнікам каманды “Жгут”. Удзельнікаў мерапрыемства вітала намеснік начальніка аддзела адукацыі, спорту і турызму Антаніна Абалевіч. Яна адзначыла важнасць такога кшталту мерапрыемстваў і той радасны факт, што колькасць іх удзельнікаў з года ў год расце. Каманды ў сваю чаргу павіталі адна адну і выказалі намер ўпарта змагацца за месца на раённым турыстычным Алімпе.
Праграма спаборніцтваў уключала традыцыйныя іспыты. Браслаўчане дэманстравалі свае здольнасці ў яздзе на веласіпедзе, валоданні байдаркамі, турысцка-прыкладным шматбор’і, конкурсе мастацкай самадзейнасці. Асобна журы ацэньвала стан і ўзровень афармлення лагераў, арыгінальнасць і якасць раняшняй зарадкі ад кожнай каманды, крэатыўнасць бодзі-арта і “фота дня”. Кулінарны конкурс сёлета меў на ўвазе прыгатаванне самай турыстычнай стравы – шашлыка.
Два дні напружанай, але ў той жа час вясёлай барацьбы з сапернікамі і дрэнным настроем прайшлі як адно імгненне. Аднак члены судзейскай калегіі карпатліва і своечасова фіксавалі ў турнірных табліцах секунды і штрафныя балы, якія ўрэшце ляглі ў аснову выніковага пратакола. Згодна з ім лепшыя веласіпедысты працуюць у філіяле “Браслаўрыба”, у конкурсе самадзейнасці не было роўных камунальнікам, а самы арыгінальны бодзі-арт, па меркаванні журы, атрымаўся ў крэатыўнай моладзі з ДПТК. У конкурсе зарадкі і быту лепшым аказаўся рэабілітацыйны туберкулёзны цэнтр, гэта ж каманда прыгатавала і самы смачны шашлык. А вось у найбольш складаных выпрабаваннях – турысцкім шматбор’і і водным этапе перамогу святкавала каманда “Жгут”, якая, дарэчы, па суме балаў і стала абсалютнай пераможніцай турзлёту – у другі раз запар. Другое месца заваявалі турысты з “Браслаў-камунальніка”, а замкнулі тройку лідараў відзаўчане. Пераможцы атрымалі кубкі, медалі і граматы. Астатнія ж – бясцэнны вопыт і час на работу над памылкамі.
Вячаслаў Каладынскі.
Фота аўтара.
В числе тех, кто в первые месяцы после аварии работал на загрязненной территории, был и…
Прыкладна паўтара года таму назад механізатар ААТ «Друйскі» Фёдар Ерашонак атрымаў ключы ад новенькага «Амкадора».…
В рамках одноименной акции работники Браславского районного отдела по ЧС проводят масштабную профилактическую работу, чтобы…
Денис ГЛЕБКО, официальный представитель Полоцкого пограничного отряда: – Глава нашего государства неоднократно подчеркивал и подчеркивает:…
В рамках рабочей поездки в Витебскую область, посещая Браславский район, председатель Палаты представителей Национального собрания…
В четверг, 25 апреля, в 9.15 утра в Браславский РОЧС поступило сообщение о пожаре в…