Ужо больш за тры дзясяткі гадоў працуе ён на тэхніцы, цікаўнасць да якой з’явілася яшчэ ў маленстве. Калі вясковы хлапчук вучыўся ў Замошскай школе, усе суседзі працавалі на трактарах, і найлепшым заняткам для Міхаіла было пакатацца з імі па полі. Прайшоў час, аднак дзіцячае захапленне засталося. І па заканчэнні школы хлопец, не задумваючыся, пайшоў у Відзаўскае СПТВ. Яго прыцягвала да тэхнікі, але, па словах М. Жданковіча, не да ўсіх машын, а менавіта да трактароў. Атрымаўшы спецыяльнасць, ён далучыўся да нялёгкай, ды такой важнай працы хлебароба. Пра яе Міхаіл расказвае захоплена:
– Работу не мяняў за столькі гадоў. Калі гаварыць чэсна, дык і не хацелася, і думкі такой не было. Мабыць, увайшло ў прывычку, ды трэба ж камусьці і хлеб вырошчваць. Сам я родам з вёскі і такую працу паважаю. Асабліва грэе душу, калі глядзіш на поле і бачыш, як з’яўляюцца маладыя ўсходы. Нярэдка даводзіцца мець справу з хімікатамі, і, бывае, нервуюся: ведаю, што такія рэчывы шкодныя для здароўя, але ж для раслін карысна. Прыемна, што вынік працы – добры ўраджай. Гэта вельмі радуе.
Механізатар адказна падыходзіць да работы на зямлі і старанна спраўляецца з любой. А яе хапае на працягу ўсяго года: унясенне мінеральных угнаенняў, хімпраполка, сяўба, затым надыходзіць пара касіць, грабіць, упраўляцца з прэс-падборшчыкам і інш. Вось і цяпер – то на будоўлю кіруе, то тэхніку на захоўванне рыхтуе. Калі здараецца паломка – у рабоце механізатара без гэтага не абыходзіцца, – запчасткі прадастаўляе інжынерная служба, рамонтам жа займаецца сам трактарыст. Дапамагае ў гэтым багаты вопыт і добрае веданне тэхнікі. Міхаіл Жданковіч прывык да свайго трактара МТЗ-82 і мяняць, напрыклад, на больш магутны, не хоча.
У сельгаспрадпрыемстве Міхаіла ведаюць як руплівага і працавітага чалавека. А яшчэ надзвычай сціплага, для якога Ганаровая грамата райсельгасхарча стала нечаканасцю.
– Не ведаю, чаму менавіта мяне адзначылі, – кажа М. Жданковіч. – Я ж проста стараюся і выконваю даручаную мне справу. ■
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…