Сёння Яўген Ракіцкі разважае, што ў юнацтве ў яго было шмат прычын, каб стаць ветэрынарным урачом. Па-першае, любоў да прыроды ў цэлым і асабіста да жывёлы. Па-другое, добрае веданне школьнага курса біялогіі. А трэцяя прычына, бадай, самая галоўная – захапленне рыбалкай. Цікавіцца рыбнай лоўляй, відамі рыб, іх прывычкамі і хваробамі Яўген стаў яшчэ ў дзяцінстве. А як інакш, кажа ён, калі жывеш на Браслаўшчыне. Тым больш што яго бабуля і дзядзька былі прафесійна звязаны з рыбалоўствам. Хлопцу хацелася таго ж, таму з малых гадоў ён захапляўся рыбалкай, вольны час праводзіў з вудай на возеры.
У год яго паступлення ў Віцебскую ветакадэмію на спецыяльнасць «хваробы рыб і пчол» студэнты не набіраліся, і Яўген пайшоў вучыцца на ветурача. Тэарэтычныя і практычныя заняткі яму даваліся лёгка, вучыцца было цікава, і таму за кароткі тэрмін браслаўчанін зразумеў, што будучую прафесію выбраў правільна.
У час размеркавання яму прапанавалі самастойна выбраць гаспадарку ў сваім раёне, дзе б хацеў працаваць. Без асаблівых ваганняў Яўген папрасіўся ў «Маяк Браслаўскі».
– Безумоўна, мне хацелася працаваць у найлепшых умовах і я добра разумеў, што гэтая гаспадарка на Браслаўшчыне самая моцная. Лічу, што той выбар стаў галоўным у маёй прафесійнай дзейнасці, бо расчаравацца ў прафесіі мне тут не далі. Наадварот, з першых дзён цанілі як спецыяліста, дапамагалі маральна і матэрыяльна. А складанасцей, безумоўна, хапала. Перш за ўсё гэта накірунак дзейнасці – свінагадоўля. Калі ў першы дзень старшыня сельгаскааператыва Рамуальд Шукель сказаў, што ветурач патрэбны на свінакомплексе, у мяне быў шок, бо я свінагадоўлю вывучаў у акадэміі толькі павярхоўна. Але і тут на дапамогу прыйшлі калегі. Тады начальнікам комплексу была Людміла Арцем’ева, якая падтрымлівала і накіроўвала мяне, я заўсёды адчуваў, што яна верыць у мяне, і стараўся не падводзіць. Шмат вучыўся, ездзіў на розныя рэспубліканскія і міжнародныя практычныя семінары, набіраўся вопыту. Прыемна было бачыць, што наша прадпрыемства дабіваецца пэўных поспехаў, якія залежаць у тым ліку і ад маёй работы. Напрыклад, комплекс мінімізаваў падзеж жывёлы, наладзіў колькасць апаросаў і выхад парасят, істотна зменшыў захворваемасць маладняку і інш.
З 2020 года Яўген Ракіцкі стаў кіраваць свінагадоўчым прадпрыемствам «Маяка Браслаўскага». Адразу ж ён вырашыў змяніць працэс вытворчасці свініны. Расказвае, што час дыктаваў новыя правілы. Абставіны вымусілі кіраўніка прыняць складанае рашэнне: знізіць пагалоўе жывёлы, але павялічыць час адкорму свіней, чым палепшыць іх вагавую кандыцыю.
Яўген разумеў, што вельмі рызыкуе, ламаючы шматгадовую схему работы, але, падлічыўшы ўсе «за» і «супраць», рашыўся на эксперымент – і не прагадаў. Як граматны кіраўнік ён пастаянна трымае руку на пульсе, ведае пра шматлікія новаўвядзенні ў сферы свінагадоўлі, як ветурач цікавіцца адкрыццямі і распрацоўкамі вучоных, вакцынамі і лекамі для жывёлы, пастаянна займаецца самаадукацыяй. Яўген расказвае, што вырас у вёсцы, прывык да сялянскай справы і ніколі не цураўся гэтага.
– Яшчэ школьнікам чатыры сезоны працаваў памочнікам камбайнера – у пары з бацькам. З мамай збіраў грыбы і ягады, у тым ліку для продажу, каб дапамагчы бацькам і зарабіць сабе на новую вуду ці веласіпед. Таму і сёння працую ў вёсцы з радасцю. Зноў жа, дзякуючы кіраўніцтву гаспадаркі, маю асабісты дом, у якім жыве мая сям’я – жонка і дзве дачушкі, –кажа Яўген. – Рады, што мой лёс склаўся так: я жыву ў любімай вёсцы, у мяне ёсць добрая прафесія і сям’я, а яшчэ хобі – рыбалка. ■
В числе тех, кто в первые месяцы после аварии работал на загрязненной территории, был и…
Прыкладна паўтара года таму назад механізатар ААТ «Друйскі» Фёдар Ерашонак атрымаў ключы ад новенькага «Амкадора».…
В рамках одноименной акции работники Браславского районного отдела по ЧС проводят масштабную профилактическую работу, чтобы…
Денис ГЛЕБКО, официальный представитель Полоцкого пограничного отряда: – Глава нашего государства неоднократно подчеркивал и подчеркивает:…
В рамках рабочей поездки в Витебскую область, посещая Браславский район, председатель Палаты представителей Национального собрания…
В четверг, 25 апреля, в 9.15 утра в Браславский РОЧС поступило сообщение о пожаре в…