«Надзвычай добры, пазітыўны і ветлівы чалавек, які ні з кім не канфліктуе, падтрымлівае зносіны з сябрамі і пры неабходнасці заўсёды прыходзіць ім на дапамогу», – так адгукаюцца супрацоўнікі ТЦСАН пра свайго падапечнага. І ўсе, хто ведае І. Дзерука, разам з дабрынёй абавязкова ўзгадваюць пра ўласцівую яму працавітасць. Гэта якасць у яго з самага дзяцінства: не прывык ён сядзець склаўшы рукі.
Правучыўшыся ў Варапаеўскай школе-інтэрнаце 7 гадоў, Іван жыў з бацькамі, дапамагаў ім па гаспадарцы. Цяпер жа застаўся адзін і ўжо каля трох гадоў ён нядрэнна спраўляецца з хатнімі клопатамі самастойна. Безумоўна, за ім прыглядаюць сваякі – родны брат ды стрыечная сястра, сацработнікі таксама пастаянна цікавяцца, як складваюцца справы. Але ў асноўным абыходзіцца сам: навучыўся гатаваць ежу, цепліць печкі. Шмат карысных уменняў атрымаў на занятках у аддзяленні, многае падказалі сябры або знайшоў на адпаведных сайтах у інтэрнэце.
Дарэчы, Іван даўно навучыўся карыстацца камп’ютарам (тэхніка ў яго ўжо гадоў восем), на які сам і зарабіў. У сацыяльных сетках шукае і падпрацоўку: дабаўка да пенсіі ніколі не лішняя. А нярэдка і проста так дапамагае людзям, калі папросяць. «Магу пакалоць дровы, перакапаць агарод ці на будоўлі працаваць, – кажа І. Дзярук. – Люблю дапамагаць людзям. Увесь час заняты, сумаваць не даводзіцца». Што датычыцца дроў, то тут браслаўчане ведаюць Івана як сапраўднага прафесіянала, які спраўляецца з работай надзвычай хутка і акуратна.
Увогуле чалавек ён вельмі старанны: дапамагае ў касцёле, тэрытарыяльным цэнтры, напрыклад, з доглядам кветнікаў, пастаянна наведвае заняткі ў аддзяленні, а калі па нейкіх прычынах не можа прыйсці, то абавязкова патэлефануе і папярэдзіць.
У вольны час Іван чытае газеты, захапляецца дэтэктывамі, якія бярэ ў бібліятэцы. Любіць танцаваць, нават атрымаў прыз глядацкіх сімпатый на конкурсе. Падабаецца яму і спорт: ходзіць на заняткі ў «арачнік», трэніруецца ў дартсе, у спаборніцтвах па якім, дарэчы, нядаўна перамог і цяпер з нецярпеннем чакае чарговую спартландыю.
І. Дзярук шчыры і адкрыты чалавек, а яшчэ вельмі таварыскі: падчас нашай размовы папрасіў перадаць праз газету найлепшыя пажаданні сваім сябрам і знаёмым. Прыемна бачыць, што нават маючы другую групу інваліднасці, Іван застаецца аптымістам і не траціць веры ў свае сілы. ■
В числе тех, кто в первые месяцы после аварии работал на загрязненной территории, был и…
Прыкладна паўтара года таму назад механізатар ААТ «Друйскі» Фёдар Ерашонак атрымаў ключы ад новенькага «Амкадора».…
В рамках одноименной акции работники Браславского районного отдела по ЧС проводят масштабную профилактическую работу, чтобы…
Денис ГЛЕБКО, официальный представитель Полоцкого пограничного отряда: – Глава нашего государства неоднократно подчеркивал и подчеркивает:…
В рамках рабочей поездки в Витебскую область, посещая Браславский район, председатель Палаты представителей Национального собрания…
В четверг, 25 апреля, в 9.15 утра в Браславский РОЧС поступило сообщение о пожаре в…