Рэйд па сталовых быў арганізаваны сумесна з галоўным санітарным урачом раёна Вольгай Рудаковай, якая правярала санітарныя ўмовы гатавання ежы, правільнасць захоўвання прадуктаў і іншыя нюансы, а таксама са старшынёй раённай арганізацыі прафсаюза АПК Мікалаем Вялічкам.
Адразу адзначу, што працэс харчавання механізатараў годна наладжаны абсалютна ва ўсіх гаспадарках. І вялікіх праблем з адкрыццём сталовых у гэтым годзе не было. Без піхання ў спіну адказных за гэты важны працэс асоб прайшлі касметычныя рамонты ў памяшканнях сталовых, пасля зімовага застою вымыты і вычышчаны ўсе куткі.
Два разы ў дзень гарачае харчаванне дастаўляюць на поле да месца, дзе кіпіць праца. А ў «Маяку» работнікам яшчэ выдаюць і сняданак.
Меню аграрыяў даволі разнастайнае. На абед усюды рыхтуюць супы. Боршч, гарохавы, булёны з крупамі і макаронамі. Маякоўцы, безумоўна, аддаюць перавагу мясным стравам са свініны, у «Агравідзах» для прыгатавання выкарыстоўваюць ялавічыну сваёй вытворчасці, астатнія «націскаюць» на больш таннае мяса курыцы.
На гарнір повары чаргуюць крупяныя кашы, макароны і бульбу. Як прызналіся гаспадыні, часцей усё ж да мяса падаюць бульбу, хоць з ёй больш прыходзіцца павазіцца, але яна і сытнейшая, і мужчынам падабаецца лепш за кашу.
Што датычыцца аплаты за харчаванне, то ў кожнай гаспадарцы цэны свае. Аднак паўсюль аграрыі плацяць за ежу толькі 20 – 50 % ад яе кошту, прыкладна рубель-паўтара.
Разам з дастаўкай ежы на поле прывозяць ваду, мыла, ручнікі. Есці даводзіцца на палетках. Адзначу, што і порцыі механізатарам накладваюць не рэстаранныя, таму нараканняў, што хтосьці недаядае, ніколі не пачуеш. Самі ж мужчыны ў адзін голас кажуць, што кормяць іх заўсёды смачна, як дома. ■
Вольга ПАТАПОВІЧ.
Фота аўтара.
В числе тех, кто в первые месяцы после аварии работал на загрязненной территории, был и…
Прыкладна паўтара года таму назад механізатар ААТ «Друйскі» Фёдар Ерашонак атрымаў ключы ад новенькага «Амкадора».…
В рамках одноименной акции работники Браславского районного отдела по ЧС проводят масштабную профилактическую работу, чтобы…
Денис ГЛЕБКО, официальный представитель Полоцкого пограничного отряда: – Глава нашего государства неоднократно подчеркивал и подчеркивает:…
В рамках рабочей поездки в Витебскую область, посещая Браславский район, председатель Палаты представителей Национального собрания…
В четверг, 25 апреля, в 9.15 утра в Браславский РОЧС поступило сообщение о пожаре в…