Яшчэ са школьнай парты Віталь Грамніцкі цвёрда вырашыў звязаць свой лёс з ваеннай службай. Хлопец упарта рыхтаваўся да паступлення ў Ваенную акадэмію: узмоцнена займаўся спортам, штудзіраваў вучэбныя прадметы. І вось мара збылася: ён стаў курсантам акадэміі.
Зразумела, уклад жыцця значна адрозніваўся ад дамашняга: строгі казарменны рэжым, усё трэба было рабіць па званку і загадзе. Аднак, узгадвае В. Грамніцкі, «не так там было і цяжка». Галоўнае, акадэмія выхавала характар і загартавала маральна.
Пяць гадоў вучобы праляцелі для курсанта вельмі хутка. І надышоў час адправіцца на першае месца службы. Ім аказалася 354-я радыёнавігацыйная часць каля г. Слоніма.
— Гэта станцыя далёкай радыёнавігацыі, — кажа Віталь Грамніцкі, — уваходзіць у склад пяці станцый Еўрапейскага ланцуга далёкага радыёнавігацыйнага забеспячэння. На працягу сутак дзяжурная змена кантралюе выпрамленне ў эфір сігнала, дзякуючы якому самалёты могуць вызначыць свае каардынаты. За восем гадоў бездакорнай службы на станцыі В. Грамніцкі прайшоў кар’ерны шлях ад лейтэнанта да маёра на розных воінскіх пасадах. А ў 2012 годзе ўзначаліў Браслаўскі ваенкамат. Сёння пад яго кіраўніцтвам працуе калектыў з 19 чалавек, у ліку якіх 3 афіцэры і 15 грамадзянскіх. І кожны з іх, адзначае ваенны камісар раёна, патрэбная дэталь важнага дзяржаўнага механізма, які працуе без збояў.
— Перад намі стаяць шматлікія і разнапланавыя задачы, — кажа Віталь Грамніцкі, — мабілізацыя людскіх і транспартных рэсурсаў, прызыў грамадзян на ваенную службу, арганізацыя тэрытарыяльнай абароны. Акрамя гэтага, ваенныя камісарыяты ажыццяўляюць адбор кандыдатаў для паступлення ў ваенныя навучальныя ўстановы, на ваенную службу па кантракце, забяспечваюць сацыяльную абарону ваеннаслужачых, ваенных пенсіянераў і членаў іх сем’яў, ветэранаў Вялікай Айчыннай вайны, воінаў-інтэрнацыяналістаў, удзельнікаў ліквідацыі наступстваў на Чарнобыльскай АЭС, вырашаюць пытанні ваенна-патрыятычнага выхавання моладзі і многія іншыя.
Так што на плячах спецыялістаў ваенкамата ляжыць вялізны пласт абавязкаў. Адным з самых напружаных перыядаў у іх дзейнасці з’яўляецца прызыўная кампанія. Як адзначыў В. Грамніцкі, у гэты перыяд Браслаўшчына папаўняе рады ваеннаслужачых Узброеных Сіл Рэспублікі Беларусь прыкладна на 80 юнакоў. Вельмі прыемна, падкрэслівае ваенны камісар, што ў большасці сваёй браслаўчане праяўляюць сябе ў армейскіх радах са станоўчага боку. Самыя лепшыя прызыўнікі заахвочваюцца камандаваннем воінскіх часцей, а іх бацькі атрымліваюць падзячныя лісты за годнае выхаванне сыноў.
Напрыканцы сустрэчы В. Грамніцкі павіншаваў сваіх калег і ўсіх мужчын Браслаўшчыны са святам, пажадаў мірнага неба над галавой, здароўя і дабрабыту. ■
Алена ПЯТУШКА.
Фота аўтара.
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…