Паколькі свята адбывалася каля вады, супрацоўнікі раённай арганізацыі Асвод удзялілі асаблівую ўвагу бяспецы людзей. Як адзначыў яе старшыня Віктар Мархель, яшчэ перад мерапрыемствам ратавальнікі абследавалі пляж, дно возера і сажалкі, правялі прафілактычныя работы. Два дні дзяжурылі на ўсіх мерапрыемствах свята. Аднак эксцэсы ўсё ж былі. Некалькі маладых людзей выправіліся на байдарках па возеры і дзесьці за два кіламетры ад берага перакуліліся. Ім на дапамогу хутка прыйшлі ратавальнікі і даставілі плаўцоў на сушу. За парушэнне правілаў паводзін на пляжы і вадзе былі папярэджаны 12 адпачываючых.
У любую хвіліну аказаць дапамогу былі гатовы і супрацоўнікі РАНС. Непасрэдна на месцы правядзення фестывалю дзяжурылі дзве браслаўскія машыны і адна ад ПАВА «Віцязь». На шчасце, адзначылі ратавальнікі, мерапрыемства прайшло без надзвычайных здарэнняў і дапамога пажарных не спатрэбілася.
Зразумела, асноўны цяжар адчулі на сабе супрацоўнікі праваахоўных органаў і медыцынскія работнікі.
У першы дзень фестывалю дзяжурылі 237 міліцыянераў, у другі — ужо каля 400. Падчас свята 55 грамадзян былі прыцягнуты за распіццё спіртных напіткаў ці знаходжанне ў грамадскім месцы ў п’яным выглядзе. На сем чалавек састаўлены адміністрацыйныя пратаколы за непадпарадкаванне супрацоўнікам міліцыі. Бацькі сямі непаўналетніх будуць адказваць за тое, што іх дзеці знаходзіліся без нагляду дарослых у вячэрні час. Затрыманы 18 асоб, якія ўцягнулі падлеткаў у распіццё алкаголю. На адну юрыдычную асобу накладзены значны штраф за продаж моцных спіртных напіткаў у пяцісот-метровай зоне правядзення масавага мерапрыемства.
Паступалі ў міліцыю і звароты аб знікненні рэчаў, асабліва тэлефонаў. Як правіла, прычынай гэтага стала бяспечнасць і няўважлівасць іх уладальнікаў.
Паважаныя браслаўчане, калі вы знайшлі мабільны тэлефон, рукзак, ключы, дакументы ці іншую маёмасць, просім перадаць знаходку ў аператыўна-дзяжурную службу РАУС ці паведаміць па тэлефонах +37529-5992202, +37533-6747821.
Цяжкіх злачынстваў супраць асобы не здарылася, адзначылі ў міліцыі. Калі і былі невялікія сутычкі, праваахоўнікі іх аператыўна разрашалі.
Таксама на месцы правядзення свята адначасова знаходзілася некалькі брыгад «хуткай дапамогі», нямала пацыентаў было і ў прыёмным пакоі. Так, больш за 50 чалавек звярнуліся па дапамогу з сонечнымі апёкамі, а ўжо вечарам яны прыходзілі за гарачкапаніжальнымі лекавымі сродкамі. Шмат гасцей фестывалю атрымалі розныя траўмы — вывіхі і пераломы. Падыходзілі да медыкаў і з парэзамі, болямі ў жываце. Не абышлося без пацыентаў з алкагольным атручваннем. Адна дзяўчына ўпала ў танцуючым натоўпе, і па ёй літаральна пахадзілі людзі. На шчасце, сур’ёзных траўм яна не атрымала. Яшчэ адзін малады чалавек вырашыў нырнуць у ваду і пры гэтым стукнуўся галавой аб дно. У выніку атрымаў лёгкае страсенне мозгу і пашкодзіў пазваночнік. Добра, што цяжкіх наступстваў гэта не выклікала. ■
Алена ПЯТУШКА.
На этой черно-белой фотографии запечатлен момент присяги браславчанки Ирины Корвель, которая отправилась в командировку в…
«Не бяруся за справу, якую не магу зрабіць, не люблю інтрыг, валодаю неўтаймоўным аптымізмам, люблю…
Уже несколько лет кряду браславчан волнует качество воды, которая течет из кранов в их домах…
В Витебской области 27 апреля будет дан старт региональному этапу чемпионата Республики Беларусь по футболу…
Концепция национальной безопасности и Военная доктрина Республики Беларусь, которые были утверждены на заседании VII Всебелорусского народного собрания, официально…
Совсем недавно белорусский парламент принял поправки в законы по национальной безопасности. Одно из главных новшеств…