Кожны навучальны год бацькоў хвалюе пытанне, чым заняць сваё дзіця пасля ўрокаў, каб вольны час яно праводзіла з карысцю. «Браслаўская звязда» вывучыла варыянты дадатковых заняткаў з дзецьмі ў нашым раёне і высветліла, якія здольнасці можна падчас іх развіць.
Практычна ўсе ўстановы культуры і адукацыі маюць шэраг прапаноў для арганізацыі вольнага часу. У большасці з іх дзяцей прымаюць з 6 гадоў і ў асноўным заняткі праводзяцца на бясплатнай аснове. Расклад гурткоў і секцый складаецца ў залежнасці ад заканчэння ўрокаў.
СПОРТ
Фізічная актыўнасць — добры занятак для актыўнага і энергічнага дзіцяці. У Браслаўскім раёне, як у райцэнтры, так і ў сельскай мясцовасці, дзейнічаюць розныя спартыўныя гурткі і секцыі. Напрыклад, РФСК «Дрывяціч» прапаноўвае заняткі баскетболам, лыжным і парусным спортам, усходнімі адзінаборствамі, футболам, настольным тэнісам, а педагогі Браслаўскай ДЮСШ дапамогуць авалодаць лёгкай атлетыкай і боксам.
ТВОРЧАСЦЬ
Творчыя здольнасці дапамогуць развіць адразу некалькі ўстаноў Браслаўшчыны — цэнтр дзяцей і моладзі, раённы цэнтр культуры, Браслаўская і Відзаўская дзіцячыя школы мастацтваў і іх філіялы. Спектр дзейнасці даволі шырокі. Напрыклад, ЦДіМ прапаноўвае валянне з воўны, лепку з гліны, суда- і авіямадэліраванне, вязанне, вышыўку стужкамі, бісерапляценне і г. д. У музычных установах вучаць сольным і харавым спевам, народным і сучасным танцам, дапамогуць авалодаць рознымі інструментамі. Браслаўскі РЦК праводзіць для дзяцей заняткі па харэаграфіі і спевах.
ІНТЭЛЕКТ
Практычна ва ўсіх навучальных установах раёна праводзяць заняткі, якія развіваюць інтэлектуальныя здольнасці, напрыклад, факультатывы для паглыбленага вывучэння замежных моў, матэматыкі, гурткі шахматыстаў і аматараў-эрудытаў. Таксама існуюць аб’яднанні, дзе даюцца дадатковыя веды па асновах бяспекі жыццядзейнасці. Сюды можна аднесці клубы юных інспектараў дарожнага руху ці выратавальнікаў-пажарных. Пашыраюць кругагляд дзяцей і таксама даюць пэўныя жыццёвыя навыкі і турысцка-краязнаўчыя гурткі.
Вядома ж, добра спланаваны вольны час дзяцей дапаможа бацькам у іх выхаванні. Тым больш што гэта бяспечнае, цікавае і карыснае баўленне часу. Акрамя таго, школьнікі маюць магчымасць удзельнічаць у конкурсах і мерапрыемствах, што, несумненна, аказвае ўплыў на іх фарміраванне як асоб.
■ Алена НАБЕЕВА.
Фота аўтара.
В числе тех, кто в первые месяцы после аварии работал на загрязненной территории, был и…
Прыкладна паўтара года таму назад механізатар ААТ «Друйскі» Фёдар Ерашонак атрымаў ключы ад новенькага «Амкадора».…
В рамках одноименной акции работники Браславского районного отдела по ЧС проводят масштабную профилактическую работу, чтобы…
Денис ГЛЕБКО, официальный представитель Полоцкого пограничного отряда: – Глава нашего государства неоднократно подчеркивал и подчеркивает:…
В рамках рабочей поездки в Витебскую область, посещая Браславский район, председатель Палаты представителей Национального собрания…
В четверг, 25 апреля, в 9.15 утра в Браславский РОЧС поступило сообщение о пожаре в…