Творчасць з дзяцінства вабіла Ганну. Свае здольнасці яна рэалізоўвала ў музычнай школе, дзе вучылася іграць на фартэпіяна. Невыпадкова, што пазней і прафесійны лёс вырашыла звязаць з музыкай і пасля школы дакументы падала ў тагачаснае Наваполацкае музычнае вучылішча на спецыяльнасць «музыказнаўства».
Год малады спецыяліст адпрацавала ў Мёрскім раёне, а потым вярнулася на родную Браслаўшчыну. У дзіцячай школе мастацтваў пачынала спачатку педагогам музычна-тэарэтычных дысцыплін, а два гады таму назад перайшла на кіруючую пасаду.
Як прызнаецца Ганна, быць правай рукой дырэктара — складаная і адказная, але цікавая праца. Тут ты не толькі адказваеш за сваіх вучняў, але і вырашаеш арганізацыйныя, выхаваўчыя пытанні, можаш прыдумаць і ўвасобіць новыя формы, падыходы ў дзейнасці ўстановы.
Каля года таму назад Г. Лабуць давялося дадаткова ўзяць на сябе яшчэ і абавязкі дырэктара. І, як вынік, установа паспяхова працуе. Дзякуючы выдатна пастаўленай рабоце, школа мае свой твар, а яе вучні дасягаюць поспехаў у абласных, рэспубліканскіх і міжнародных конкурсах і фестывалях. Толькі ў мінулым годзе выхаванцы школы мастацтваў прынялі ўдзел у 9 конкурсах рознага ўзроўню і атрымалі 16 дыпломаў. Да таго ж вучні ўстановы — частыя госці і на раённай сцэне. У 2015-2016 вучэбным годзе каля 200 дзяцей прынялі ўдзел у больш чым 40 мерапрыемствах.
Вучні школы могуць павучыцца ў свайго педагога таму, як можна паспяваць выдатна выконваць сваю работу і рэалізоўваць здольнасці ў грамадскім жыцці. Ганна — пастаянны ўдзельнік мастацкай самадзейнасці, дзе не раз выступала як саліст і кіраўнік творчых калектываў, атрымліваецца ў яе спраўляцца і з роляй вядучай розных мерапрыемстваў. Сядзець склаўшы рукі яна не ўмее. За якую б справу ні ўзялася жанчына — арганізацыя мерапрыемства, напісанне сцэнарыя ці падрыхтоўка канцэртнага нумара — у яе абавязкова ўсё атрымліваецца на выдатна. Вось і цяпер яна актыўна рыхтуе вучняў да абласнога конкурсу баяністаў і музычна-тэарэтычнай алімпіяды.
Два гады таму назад Ганне прапанавалі ўзначаліць пярвічную прафсаюзную арганізацыю школы мастацтваў, яна згадзілася і на гэту пасаду, ды і калектыў падтрымаў дзяўчыну з актыўнай жыццёвай пазіцыяй. І тут за два гады работы яна здолела зарэкамендаваць сябе як сапраўдны ініцыятыўны прафсаюзны лідар.
Тое, што Ганну прызналі лепшай па прафесіі ў намінацыі «Моладзь», яна расцэньвае як стымул для далейшай плённай дзейнасці на карысць любімай установы. ■
Таццяна ПЯТУШКА.
Фота аўтара.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…