Нядаўна ў Друеўскай бібліятэцы прайшло цікавае мерапрыемства “Мелодыя сэрца — мелодыя святла”, прысвечаная сусветна вядомаму польскаму кампазітару Ф. Шапэну. Гасцямі мерапрыемства сталі ўдзельнікі клуба “Сустрэча”.
Ужо з парога наша ўстанова сустракала сваіх чытачоў чароўнай і задуменнай музыкай Шапэна. Увазе прысутных была прадстаўлена выстаўка “Утончённый романтик фортепианно”. На якой былі прадстаўлены мастацкія і дакументальныя кнігі, публікацыі з часопісаў і газет, якія адлюстроўваюць жыццё польскага класіка.
Пасля прагляду выставы бібліятэкары распачалі спецыяльна падрыхтаваную праграму. Нашы супрацоўнікі паведамілі слухачам цікавыя факты з біяграфіі і творчасці кампазітара. Расказ чаргаваўся з праглядам урыўкаў з фільма “Па слядах Шапэна”, дапаўняўся візуальнай інфармацыяй на экране камп’ютара. Пазней мы запрасілі жадаючых прыняць удзел у конкурсах “Бліц”, дзе кожнаму з прысутных трэба было адказаць на пытанне, а таксама “Геаграфічна — біяграфічны” і “Ці мог Шапэн чуць гэтую музыку?”
На працягу мерапрыемства прысутныя атрымлівалі асалоду ад грацыёзнай і натхнёнай, сумнай і іскрыстай музыкі польскага кампазітара Фрэдэрыка Шапэна. У сцянах нашай установы гучалі напісаныя Шапэнам творы — мазуркі, вальсы, накцюрны, эцюды.
Напрыканцы сустрэчы прысутныя атрымалі ад бібліятэкараў даведкі пра жыццё і творчасць непаўторнага маэстра, абмеркавалі ўбачанае і пачутае за прыемным чаяпіццем.
Ганна Маслякова,
бібліятэкар Друеўскай бібліятэкі.
