Раней у “старой бальніцы” такога аддзялення не існавала, было выдзелена толькі 10 ложкаў для неўралагічных хворых у тэрапіі. А ў снежні 1994 года з адкрыццём новага сучаснага будынка ўстановы аховы здароўя з’явілася паўнавартаснае аддзяленне на 40 ложкаў, якое ўзначаліў спачатку ўрач-неўрапатолаг Іван Міткевіч.
Несумненна, стаяць ля вытокаў новага вельмі складана і адказна, бо трэба ўлічыць усе дробязі, стварыць камфортныя і спецыялізаваныя ўмовы для лячэння пацыентаў. А, бадай, самае важнае — падабраць надзейны медперсанал. Што загадчык аддзялення выдатна справіўся з пастаўленай задачай, сведчыць той і факт, што з шасці медсясцёр чатыры працуюць па сённяшні дзень. Не назіраецца цякучкі кадраў і сярод малодшага медперсаналу.
Так, старшая медсястра Галіна Уласенка, паставыя Валянціна Варанецкая, Наталля Гардзевіч, Святлана Юран, санітарка Святлана Шапалоўская добра памятаюць радасныя ўражанні прыемнай мітусні пры пераездзе ў новы прасторны будынак райбальніцы. І сёння ўжо з усмешкай успамінаюць, як цяжка было вывучыць шматлікім калідоры, памяшканні і не заблудзіцца ў іх.
Неўралагічнае аддзяленне не самы лёгкі ўчастак у бальніцы, калі такі наогул там існуе. У большасці тут ляжаць пацыенты сталага ўзросту з цяжкімі захворваннямі, многія ляжачыя, і каб людзі хутчэй выздараўлівалі, догляд з боку персаналу для іх мае вялікае значэнне.
— Сёння ў нашым аддзяленні, — кажа Ігар Мікалаевіч, — 25 ложкаў, дзве камфортныя палаты, маецца спецыяльная апаратура для абследавання сасудаў галоўнага мозга, што дазваляе паставіць пацыентам больш дакладны дыягназ. У гэтым годзе з’явілася палата інтэнсіўнай тэрапіі з сучасным медыцынскім абсталяваннем для аказання экстранай дапамогі цяжкім хворым. У аддзяленні працуе вопытны і спрактыкаваны медперсанал.
Шмат гадоў нясуць вахту міласэрнасці, спагады паставая і працэдурная медсёстры Людміла Скірмант і Аксана Апячонак. На ўсё аддзяленне працэдурная медсястра адна, і кожны дзень ёй трэба паставіць не менш за 25 кропельніц ды яшчэ па некалькі пакетаў лякарства. Таму А. Апячонак нават і прысесці за дзень не ўдаецца.
Не абыходзіцца ў аддзяленні без клапатлівых працавітых рук санітарак і буфетчыц. Некага і пакарміць неабходна, некаму дапамагчы выйсці ў санвузел, пераслаць ложак, да таго ўсё павінна быць крышталёва чыстым.
А пяць месяцаў таму назад рады ўрачоў аддзялення папоўніў малады інтэрн Алена Праўдзівая. І паколькі яна ўраджэнка Браслаўшчыны, то, як запэўніла сама, пасля атрымання дыплома вернецца на радзіму.
Любоў да працы, адданасць сваёй справе, спачуванне да людзей, гатоўнасць у любую хвіліну прыйсці ім на дапамогу — усё гэта ўласціва прафесійнаму згуртаванаму калектыву неўралагічнага аддзялення райбальніцы, які ўзначальвае вопытны і ўважлівы ўрач-неўрапатолаг Ігар Козел. Да кожнага пацыента загадчык падыходзіць з усмешкай, умее цярпліва выслухаць, даць яму слушную параду. Таму ўвагай і клопатам тут ніхто і ніколі не абдзелены. Усе пацыенты задаволены і лячэннем, і медперсаналам, і абслугоўваннем.
Алена Пятушка.
Фота аўтара.
На здымку: Галіна Уласенка і Людміла Скірмант у працэдурным кабінеце.
На Витебщине стартовал региональный этап чемпионата Республики Беларусь по футболу среди мужских команд второй лиги…
В числе тех, кто в первые месяцы после аварии работал на загрязненной территории, был и…
Прыкладна паўтара года таму назад механізатар ААТ «Друйскі» Фёдар Ерашонак атрымаў ключы ад новенькага «Амкадора».…
В рамках одноименной акции работники Браславского районного отдела по ЧС проводят масштабную профилактическую работу, чтобы…
Денис ГЛЕБКО, официальный представитель Полоцкого пограничного отряда: – Глава нашего государства неоднократно подчеркивал и подчеркивает:…
В рамках рабочей поездки в Витебскую область, посещая Браславский район, председатель Палаты представителей Национального собрания…