— З таго часу, як мы стварылі сям’ю, прайшло шмат часу, уцякло столькі вады, — успамінае Лідзія Ягораўна. — Можа, хто і не паверыць, але пражылі мы 65 гадоў душа ў душу, нават ні разу не пасварыліся.
Жыцце мужа і жонкі Ліннікаў прайшло ў працы. Ім дасталася нялегкая доля. Галава сямейства Антон Аляксандравіч родам з Друі, а Лідзія Ягораўна нарадзілася і вырасла ў невялічкай вёсцы Верхнядзвінскага раёна. З малых гадоў абодва былі прывучаны да працы, верылі ў добрую будучыню. Аднак усе мары і планы гэтых людзей разбурыла Вялікая Айчынная вайна.
Антону Аляксандравічу не было яшчэ і 15, калі ў Друю прыйшлі немцы. Яны ледзь не вывезлі Антона разам з сястрой у Германію, але выратаваў выпадак. Ён добра запомніў, як немцы прымушалі працаваць, здзекваліся над яўрэямі, якіх у той час у Друі было шмат, і як потым расстралялі ўсіх да аднаго, а рэчка напоўнілася крывёй забітых.
А вось Лідзіі Ягораўне на пачатку вайны споўнілася 17. Скончыўшы 10 класаў, яна накіравалася ў Мінск паступаць на педагагічныя курсы. Праз год, у дзень, калі трэба было здаваць экзамены, пачалася вайна…
— Мінск пачалі бамбіць з першых дзён, — успамінае ветэран. — Было вельмі страшна, асабліва ноччу. І мы разам з сяброўкамі, прыхапіўшы толькі дакументы, уцяклі з горада ў лес. Знаёмыя сказалі, што недалёка ёсць састаў, які эвакуіруе. Так я трапіла ў г. Хвалынск Саратаўскай вобласці.
Пужала дзяўчыну тое, што родныя нічога не ведаюць пра яе лёс. Толькі праз год удалося звязацца з роднымі з Ленінграда. Дзядзька Лідзіі Ягораўны, які быў ваенным, вывез сваю сям’ю і дзяўчыну ў ваенную часць, дзе можна было працаваць вольнанаёмнымі. Так Лідзія з 1942 па 1945 адпрацавала ў Карэліі ў 25-ым батальёне аэрадромнага абслугоўвання. І хоць непасрэдна ў ваенных дзеяннях не ўдзельнічала, але ўсю вайну прайшла разам з тымі, хто вызваляў краіну ад нямецка-фашысцкіх захопнікаў, заслужыла “Ордэн Айчыннай вайны” 2 ступені.
Памятае ветэран, як было халодна, а начаваць даводзілася на зямлі, не хапала і прадуктаў, навокал панаваў голад. Толькі ўспамінаць усё гэта ветэрану не проста, кожны момант адгукаецца балючым рэхам у сэрцы.
Вярнуўшыся на радзіму, не знайшла дома, яго спалілі немцы. Радасна было ўжо ад таго, што ўдалося выжыць родным. Першы час жылі ў лазні, але і гэта было добра, бо над галавой — мірнае неба.
Трэба было будаваць мірнае жыццё, і дзяўчына, скончыла курсы бухгалтараў, працаваць прыехала ў Друйскае сельпо. Сюды, каб здаць лішкі сельгаспрадукцыі, у адзін з дзён завітаў малады хлопец Антон. Так і звёў іх лёс.
Усё жыццё да выхаду на заслужаны адпачынак Лідзія Ягораўна адпрацавала бухгалтарам у Друйскім вучылішчы, а Антон Аляксандравіч спачатку ў вагонным дэпо, а потым майстрам па будаўніцтве і рамонце ў вучылішчы.
Разам прайшлі праз усе складанасці, пабудавалі дом, выгадавалі 4 дзяцей, а зараз радуюцца ўнукам і праўнукам. Раней і гаспадарку вялікую трымалі, але хоць і здароўе ўжо не тое, зусім адмовіцца ад работы не могуць і зараз даглядаюць невялічкі агарод.
Сёлетні год для сям’і Ліннікаў багаты на юбілейныя даты. Толькі адсвяткавалі жалезнае вяселле, а напрыканцы чэрвеня Лідзіі Ягораўне спаўняецца 90 гадоў. За адным сталом збяруцца ўсе родныя і блізкія.
Час здольны разбурыць і камень, але каханне, праверанае такім тэрмінам, нішто і ніхто не зможа зламаць. Як усё жыццё былі апорай адзін аднаму, так і жывуць сёння. Хвалююцца адзін за аднаго, клапоцяцца, гэта бачна няўзброеным вокам, гэтак жа шчыра кахаюць.
Таццяна Пятушка.
Фота аўтара.
Главой государства подписан Закон Республики Беларусь от 22 апреля 2024 г. No 365-З «Об изменении…
Сегодня нет такой сферы общественной жизни или производственной отрасли, которые могли бы обойтись без услуг…
Очередным хедлайнером, заявленным организаторами на фестиваль Viva Braslav-2024, стала Клава Кока. Российская певица, автор песен, видеоблогер и телеведущая.…
На Viva Braslav-2024 выступит российская певица МакSим, сообщают организаторы. Музыкальный продюсер, автор-исполнитель и единственная певица,…
Владимир Преткель пользуется уважением и авторитетом в коллективе национального парка «Браславские озера». В лесном хозяйстве…
Пятого мая в 11.35 в Браславский РОЧС поступило сообщение о пожаре гаража в г.п. Видзы.…