З мэтай фарміравання станоўчага іміджу органаў унутраных спраў, падняцця прэстыжу службы ў міліцыі калектыў Браслаўскага аддзялення дэпартамента аховы правёў нядаўна дзень адкрытых дзвярэй для вучняў СШ №1.
Начальнік аддзялення М. Сільчонак пазнаёміў юнакоў і дзяўчат з гісторыяй падраздзялення аховы, даступна расказаў пра службу на сучасным этапе і пра задачы, якія стаяць перад яе супрацоўнікамі.
У актавай зале была арганізавана фотавыстаўка, дзе школьнікі з задавальненнем знаёміліся са здымкамі розных гадоў, маглі параўнаць, якім было падраздзяленне ў перыяд стварэння і якім стала сёння. Размова з маладымі людзьмі закранула не толькі гісторыю аховы, але і іншыя пытанні. М. Сільчонак раіў са школьнай пары весці здаровы лад жыцця, не бавіць вольны час толькі за камп’ютарам, а лепш пайсці на спартыўную пляцоўку і г.д.
Ён змог выклікаць інтарэс да службы ў міліцыі ў многіх гасцей, а сведчаннем таму былі шматлікія пытанні. Школьнікаў цікавіла, куды пайсці вучыцца, каб стаць міліцыянерам, якую вартавыя правапарадку атрымліваюць зарплату, ці могуць дзяўчаты служыць у органах унутраных спраў. М. Сільчонак даў на ўсе пытанні канкрэтныя адказы.
Сустрэча прадоўжылася экскурсіяй па адміністрацыйнай пабудове, дзе госці пазнаёміліся з трэнажорнай залай, вучэбным класам. У двары аддзялення была арганізавана сустрэча са старшым інспектарам А. Жукоўскім, які пазнаёміў з работай нарада групы затрымання і спецыяльныя сродкамі. Бронежылет і шлем так спадабаліся юнакам і дзяўчатам, што яны з задавальненнем фатаграфаваліся ў такім абмундзіраванні.
Фіналам сустрэчы стала выступленне міліцыянера-кінолага са сваім напарнікам – нямецкай аўчаркай па мянушцы Полі.
Мы спадзяёмся, што пасля такой сустрэчы нехта абавязкова вырашыць звязаць свой лёс з аховай.
Во всех районах Беларуси введено ограничение на посещение лесов. Об этом сообщает Министерство лесного хозяйства.…
Тракторист-машинист СПК «Маяк Браславский» Леонид Лавринович уже 36 лет работает на земле и, как говорит…
Жизнь Чеслава Манкевича была такой же, как и у его сверстников. Парень из деревни Закорье…
Постановлением Министерства образования от 8 апреля №40 определены сроки проведения в 2024 году вступительной кампании…
Москва готовится к старту нового туристического сезона и рада встретить гостей на масштабном благотворительном фестивале…
За 120 лет профсоюзами Беларуси накоплен колоссальный опыт, заявил председатель Федерации профсоюзов Беларуси Юрий Сенько,…