У мінулыя выхадныя праваслаўныя вернікі адзначалі Вадохрышча або Богаяўленне. У суботу раніцай дзясяткі браслаўчан па традыцыі сабраліся на возеры Дрывяты, каб акунуцца ў ледзяной вадзе. Тэмпература паветра ў той дзень была мінус 20 градусаў, а вада ў палонцы – плюс 4, але гэта не напужала адважных купальшчыкаў.
Праўда, адны рашуча падыходзілі, хутка распраналіся і акуналіся тры разы ў ле-дзяной вадзе. А іншыя нервова круцілі ручнікі, назіралі за смельчакамі і адцягвалі свой час “Х”.
Па заканчэнні купання ў некаторых пацікавілася, чаму вырашылі акунуцца і што для іх азначае купанне ў палонцы на Вадохрышча.
Аляксей Лях:
— Стараюся прытрымлівацца здаровага ладу жыцця, таму ўжо некалькі год кожную раніцу летам плаваю ў возеры, зімой ныраю ў палонку ці абціраюся снегам. Таму купанне ў ледзяной вадзе для мяне — з’ява прывычная. Я чалавек веруючы, таму лічу, што ў дзень Вадохрышча вада ў возеры мае асаблівую сілу: яна ачы-шчае душу ад грахоў і надае здароўя целу.
Наталля Карастаянава:
– Мой муж штогод на Вадохрышча нырае ў палонку. А я акунулася сёлета ўпершыню. Холадна было, толькі пакуль не зайшла ў ваду, потым здалося, што акацілі кіпенем. Уражанні вельмі яркія. Вырашыла, што калі не захварэю, то буду прытрымлівацца традыцыі кожны год.
Купанне, адзначу, як і ў папярэднія гады, праходзіла пад наглядам выратавальнікаў.
Вольга Патаповіч.
Фота аўтара.
