На сцэне РДК зноў правілі баль маладосць, грацыя, арыгінальнасць. Пяць бландзінак дэманстравалі свае лепшыя здольнасці перад пяццю брунеткамі. Аднак адразу зазначу, як гучыць у адной песні, што не залежыць дабрыня ад росту, так і колер валасоў не ўплывае на артыстызм і непаўторнасць, асабліва калі ты малады і таленавіты. Пра гэта пастаянна напаміналі вядучыя шоу Алег Лабуць і Віталь Жук, а ўдзельніцы праграмы пацвярджалі гэтую ісціну кожным сваім выхадам на сцэну.
Арганізатары шоу падрыхтавалі для бландзінак і брунетак нямала самых розных іспытаў. Трэба было паказаць веданне кіравання аўтамабілем, знайсці выйсце з неардынарных сітуацый у дарозе. Праўда, усё гэта праходзіла ў гумарыстычнай форме, і па бурных апладысментах можна сцвярджаць, што вельмі падабалася гледачам. Удзельніцы таксама паспрабавалі свой спрыт у бегу на абцасах за зборам шароў у глядзельнай зале, перацягванні каната, прадэманстравалі, што яны могуць у ролі бэбі-мам. Нікога не пакінулі раўнадушнымі і інтэрпрэтацыі кліпаў вядомых выканаўцаў, авангардныя касцюмы, многія элементы якіх былі выкананы ўласнымі рукамі саміх удзельніц. І хоць зразумела, што “Бландзінкі супраць брунетак” не толькі шоу, але і конкурс, бо журы выстаўляла пасля кожнага іспыту балы, гледачы да апошняга моманту чакалі развязкі інтрыгі. З перавагай толькі ў два балы перамаглі брунеткі, каманду якіх прадстаўлялі Ганна Пуйша, Ліна Марозава, Марына Фёдарава, Галіна Мядзюха, Настасся Барсковіч. Пра кожную з іх можна сказаць шмат цудоўных слоў, бо адчувалася, што, акрамя абаяльнасці, маладосці, ім прысутны індывідуальнасць, загадкавасць, жаноцкасць.
Такой жа характарыстыкі заслугоўваюць і пяць-удзельніц бландзінак – Кацярына Марцінкевіч, Алеся Нарэль, Галіна Паніч, Таццяна Клакоўская, Гання Лявіцкая. Нягледзячы на мноства анекдотаў пра бландзінак, браслаўскія дзяўчаты даказалі, што яны, як адна, эфектныя, мэтанакіраваныя і артыстычныя.
Віншуючы ўдзельніц шоу-праграмы, старшыня райвыканкама Сяргей Шматаў, ён жа ўзначальваў і журы, вельмі трапна адзначыў, што ў Браславе сапраўды шмат прыгожых і таленавітых дзяўчат, а прафесіяналізм работнікаў РДК і аддзела культуры дазваляе рыхтаваць такія цікавыя і відовішчныя мерапрыемствы. С. Шматаў уручыў усім бландзінкам і брунеткам кветкі і сувеніры.
Закончылася шоу-праграма нумарам, які ўдзельніцы шоу выканалі сумесна з рэжысёрам мерапрыемства Святланай Кажапенькай.
Тэкст і фота
Зінаіды Палулех.
За квартиру в Браславе продавцы в среднем просят 133 тысячи рублей (подробный обзор опубликован ЗДЕСЬ).…
Недавно мне посчастливилось познакомиться с обаятельной, активной, общительной, ответственной и, на первый взгляд, очень бойкой…
"Белпочта" выплатит пенсии и пособия за 9 и 14 мая досрочно, сообщает БелТА со ссылкой…
В 2024 году каждый месяц в Беларуси посвящен одному из 13-ти видов туризма. Министерство спорта…
Более четверти века трудовая деятельность ведущего инженера Браславского участка электросвязи Глубокского ЗУЭС Витебского филиала РУП…
В этом году ранняя весна еще в марте торопила хлеборобов Браславщины выходить на поля и…