Прэзідэнт Беларусі Аляксандр Лукашэнка 29 красавіка на міжнародным патрыятычным форуме Саюзнай дзяржавы «Вялікая спадчына – агульная будучыня» растлумачыў, чаму важна захоўваць гістарычную памяць, трымаючыся за яе, вобразна кажучы, учапіўшыся зубамі.
Кіраўнік дзяржавы заўважыў, што пытанне пра тое, чаму гэта важна, часта гучыць як у нашых краінах, так і збоку. «Я хачу, каб там пачулі, чаму мы так учапіліся за гэту памяць. Па-першае, гэтай памяццю мы павінны ганарыцца. Яны нам зайздросцяць. Дзякуй богу, што ў нас ёсць пакаленне пераможцаў, якімі мы ганарымся», – заявіў Прэзідэнт.
Другі ключавы аспект звязаны з цяперашняй сітуацыяй у свеце, з пачаткам новага процістаяння, вайны, якую развязалі зусім не Беларусь і Расія. «Наступны этап гэтай вайны будзе вайна гарачая, сусветная вайна са зброяй у руках. Мы гэтага не хочам. Сёння ідзе этап вайны ў сродках масавай інфармацыі. Дзякуй богу, пакуль. Мы дыскутуем, змагаемся на гэтых пляцоўках. Ідзе вайна за розумы нашых людзей і за галовы. Сучасная гарачая вайна немагчыма без гэтай падрыхтоўкі. Гэта падрыхтоўка пачалася», – сказаў Прэзідэнт.
У такой абстаноўцы, вядома, важна захоўваць гістарычную памяць і праўду пра тыя падзеі, каб паказваць цяперашнім і будучым пакаленням, што за іх плячамі – гераічнае мінулае продкаў. «І калі раптам – нам трэба змагацца за сваю зямлю, за свае сем’і, за сваіх дзяцей так, як змагаліся яны. Не шкадуючы ні жыцця, нічога, што ёсць… Вось чаму мы гаворым пра гістарычную памяць, а не таму, што нам хочацца размаўляць», – растлумачыў кіраўнік беларускай дзяржавы.
Зрэшты, у грамадстве ёсць і тыя, хто лічыць праводзімую работу па захаванні гістарычнай памяці не больш як дэманстрацыяй. На самай справе гэта не так, падкрэсліў Прэзідэнт, і ўсё, што робіцца ў гэтым напрамку, мае прынцыповае значэнне. «Як толькі забудзем дарогу да Хатыні, Сталінграда, Брэсцкай крэпасці, усё вернецца зноў, імгненна. Таму мы павінны, зубамі ўчапіўшыся, трымацца за гэту гістарычную памяць», – падкрэсліў Аляксандр Лукашэнка. ■
Паводле матэрыялаў БелТА.
