Практыка ўжо даказала жыццяздольнасць такіх мерапрыемстваў, бо вывучэнне як поспехаў, так і праблемных момантаў непасрэдна на месцах дазваляе больш аператыўна прымаць неабходныя рашэнні, эфектыўна вучыцца і абменьвацца вопытам.
Што тычыцца візіту актыву раёна ў Відзы, то яго праграма ўключала ў сябе шэраг найбольш актуальных пунктаў. Члены прэзідыума і запрошаныя наведалі гарпасялковы пляж і пажарна-аварыйна-выратавальны пост, азнаёміліся з асартыментам у адным з мясцовых магазінаў, на свае вочы пабачылі вынікі разнапланавай работы па добраўпарадкаванні (у тым ліку зносу лядашчых дамоў), пабывалі на тэрыторыі Відзаўскага лясніцтва.
І ўсюды ішла канструктыўная размова. Па ходзе руху па маршруце ўзнікалі новыя пытанні і даручэнні. Гучалі словы падзякі за праведзеную работу і пэўная крытыка. Старшыня раённага дэпутацкага корпуса Ніна Пучынская неаднаразова падкрэслівала ролю мясцовай улады. «За ўсё, што адбываецца на тэрыторыі сельсавета, сельсавет у першую чаргу і адказвае. Калі ён не ўключаны ў справу непасрэдна, то павінен каардынаваць і накіроўваць», – адзначыла яна.
На гэтым фоне нельга не сказаць, што відзаўская зямля мае свае істотныя асаблівасці. Гэта самы вялікі сельсавет у раёне і нават краіне, яго тэрыторыя на працягу дзясяткаў кіламетраў мяжуе з Еўрасаюзам, а насельніцтва прадстаўлена самымі рознымі этнаканфесіянальнымі групамі. Разам з тым надзённыя пытанні мясцовай улады такія ж, як і ў любым іншым рэгіёне: работа з людзьмі, добраўпарадкаванне, догляд дарог і могілак, забеспячэнне правапарадку, пажарнай бяспекі і многае іншае.
Дзейнасць па гэтых накірунках папярэдне ацанілі рабочыя групы. Кароткія вывады: за апошні час Відзы істотна папрыгажэлі. Бачна, што і ў сам пасёлак, і ў больш дробныя населеныя пункты ўкладзены значныя сродкі і намаганні. Дарэчы, такога меркавання прытрымліваюцца і мясцовыя жыхары. Відзаўчане таксама адзначаюць эфектыўную зваротную сувязь з боку ўлады, аператыўнае вырашэнне іх пытанняў. Аднак ёсць і над чым працаваць: рэйды выявілі асобныя недахопы ў сферы навядзення парадку на зямлі, гандлёвым абслугоўванні, падтрыманні ў належным стане сельгасаб’ектаў. Уздымалася таксама і праблема забеспячэння дрывамі, падключэння электраацяплення.
Кожны з праблемных момантаў быў дэталёва вывучаны прама на месцы. Старшыня райвыканкама Вячаслаў Грышчанка пры гэтым звярнуў увагу, што ўсё, што робіцца, – у першую чаргу для людзей. Таму і будаваць гэтую работу дзяржструктуры павінны адпаведным чынам. Кіраўніка раёна падтрымала і Н. Пучынская. «Дзейнасць сельсавета абапіраецца на закон, але ў яе цэнтры былі і застаюцца людзі, іх праблемы і пытанні», – рэзюмавала старшыня раённага Савета дэпутатаў. ■
Молодые люди из различных учреждений и организаций Браславщины объединились и благоустроили воинское захоронение в д.…
Прэзідэнт Беларусі Аляксандр Лукашэнка падпісаў Указ нумар 196 аб узнагароджванні ордэнам Маці. За нараджэнне і…
Комитет государственного контроля Витебской области проводит горячую линию с жителями по вопросу своевременности и качества…
В День семьи на городском стадионе состоялась спортландия, главными героями которой стали мамы, папы и…
В эти дни и по 24 мая сотрудники группы наркоконтроля и противодействия торговле людьми Браславского…
Выказаць павагу да беларускіх сімвалаў і гонар за прыналежнасць да сваёй Радзімы – так начальнік…