Маштабныя работы, якія праводзілі будаўнікі на працягу двух гадоў, закранулі практычна ўсё: дах, сцены, сантэхнічнае і электрычнае абсталяванне, пакоі і калідоры. Увогуле на правядзенне мадэрнізацыі было затрачана звыш 7 млрд недэмінаваных руб. За 6 апошніх гадоў супрацоўнікі дома-інтэрната змаглі не толькі захаваць зробленае, а і прымножыць. Так, тут штогод праводзіцца бягучы рамонт жылых пакояў, для харчовага блока набыты новыя пліты, мэбля, посуд, пральня папоўнілася дзвюма машынаміаўтаматамі, абсталяваны кабінеты для лячэбнай фізкультуры, рэлаксацыі і рэабілітацыі, фізіякабінет.
Асобна трэба сказаць пра падсобную гаспадарку. Яна на працягу апошніх 15 гадоў на 100 % забяспечвае жыхароў інтэрната малаком і на 80 % — мясам. Тыя з пажылых, хто можа па стане здароўя, уцягваюцца ў працоўную дзейнасць падчас збору на тэрыторыі ўстановы садавіны і гародніны. Такім чынам, падсобная гаспадарка дазваляе праяўляць састарэлым людзям жыццёвую актыўнасць, забяспечвае іх чыстымі прадуктамі, змяншае затраты на харчаванне і эканоміць бюджэтныя фінансы, а невялікія свабодныя грошы ад рэалізацыі прадукцыі накіроўваць на падтрыманне гаспадаркі і набыццё сродкаў рэабілітацыі.
Добрыя ўмовы для жыцця, рацыянальнае харчаванне, пастаянны медыцынскі догляд станоўча ўплываюць на стан здароўя тых, каго абслугоўваюць у доме-інтэрнаце: за мінулы год сярэдняя працягласць іх жыцця склала 86 гадоў.
Сёлета эпідэмія каранавіруса ўнесла свае карэктывы і ў звыклы рытм жыцця дома-інтэрната: з 24 красавіка ён перайшоў на рэжым работы пры поўнай ізаляцыі. Абслуговы персанал сацыяльнай установы працаваў вахтавым метадам па 14 сутак. Работнікі заступалі на вахту толькі пасля адмоўнага выніку тэста на COVID-19. Па словах дырэктара дома-інтэрната Сяргея Аліхвера, да такіх жорсткіх папераджальных мер персанал аднёсся з разуменнем. Ізаляцыя, стапрацэнтная забяспечанасць антысептыкамі, медыкаментамі і сродкамі індывідуальнай абароны дазволілі трымаць сітуацыю пад кантролем і не дапусціць пранікнення каранавіруса: ні адзін чалавек у доме-інтэрнаце для састарэлых і інвалідаў не захварэў. Абмежаваны прапускны рэжым захоўваецца ва ўстанове і па сённяшні дзень.
За добрасумленную працу, высокі прафесіяналізм, асабісты ўклад у работу па сацыяльнай абароне грамадзян ва ўмовах неспрыяльнай эпідэміялагічнай сітуацыі дырэктар дзяржаўнай установы сацыяльнага абслугоўвання Сяргей Аліхвер у пачатку жніўня ўзнагароджаны Ганаровай граматай Віцебскага аблвыканкама. Кіраўнік дома-інтэрната сціпла кажа, што такая высокая ацэнка — гэта заслуга ўсяго працоўнага калектыву. ■
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…