Лідзіруючую пазіцыю, як заўсёды, займае найбольш моцная гаспадарка раёна «Маяк Браслаўскі»: тут кожны дзень працуе 16 – 17 камбайнаў, якія ўжо ўбралі 2 908 га збожжавых і зернебабовых культур, што складае 66,5 працэнта ад плана. Наступнае месца займае «Слабодка-агра», дзе абмалацілі 549 га. Дарэчы, у гэтай гаспадарцы на полі працуюць толькі 4 камбайны і ў тым ліку дзякуючы дапамозе шэфскай арганізацыі ЖКГ «Браслаў-камунальнік», механізатар з якой ужо не першы год садзіцца тут за руль камбайна.
Па словах дырэктара ААТ «Слабодка-агра» Аляксандра Дзегцярова, руку дапамогі ў гарачы сезон сельгаспрадпрыемству працягваюць ДЭУ-34 і ЖКГ. Сёлета, напрыклад, дапамагаюць з вадзіцелямі і тэхнікай на адвозцы кармоў, «Амкадорам».
Збожжа ў гаспадарцы ўбіраюць вопытныя камбайнеры Анатоль Савіцкі, Алег Дарожка, Валерый Пучынскі, да іх толькі ў гэтым годзе далучыўся Генадзь Трубовіч. Механізатар даўно знаёмы з сельскагаспадарчай тэхнікай, але пакуль працаваць на камбайне не даводзілася. Па просьбе дырэктара гаспадаркі ён за 2 дні падрыхтаваў агрэгат, прайшоў на ім тэхагляд і стаў побач з прафесіяналамі. За некалькі гадзін унік ва ўсе тонкасці справы камбайнера і ўжо не адстае ад калег. Наогул, механізатараў А. Дзегцяроў жартоўна называе «ўніверсальнымі салдатамі». Раніцай, пакуль на каласах трымаецца раса, ніхто не сядзіць без работы: адзін на трактары вязе ваду на поле каровам, другі адвозіць і скірдуе салому — усім у гаспадарцы работы хапае.
У ААТ «Слабодка-агра», дарэчы, па стане на ўчарашні дзень намалацілі 1 297 тон зерня пры сярэдняй ураджайнасці 23,6 цэнтнера з гектара.
Падчас жніва працоўны графік механізатараў вельмі складаны і насычаны. Пачынаюць яны свой працоўны дзень з 7 раніцы і знаходзяцца на палетках, як кажуць самі, да першай зоркі, бо не хочуць губляць нават гадзіны пагодлівых дзён. ■
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…