— На тэрыторыі раёна ў 2019 годзе зафіксавана 147 ДТЗ, у якіх транспартныя сродкі атрымалі механічныя пашкоджанні. А вось у 9 аварыях (-2 да 2018 г.) на Браслаўшчыне пацярпелі людзі. У іх 12 чалавек (+3 да 2018 г.) былі паранены і 1 (-1 да 2018 г.) загінуў. Як гэта ні сумна, але 2 ДТЗ адбыліся з удзелам непаўналетніх: 4 атрымалі раненні рознай ступені цяжкасці. І больш за ўсё хвалюе тое, што падобнае адбываецца на фоне, калі прафілактычныя работы на тэму дзіцячага дарожна-транспартнага траўматызму вядуцца бесперапынна. Супрацоўнікі АДАІ рэгулярна наведваюць рабочыя калектывы, бацькоўскія сходы, праводзяць спецыяльныя рэйды, дзе расказваюць пра неабходнасць спецыяльных дзіцячых утрымліваючых усталяванняў у аўтамабілях з малымі, а факты парушэння гэтага пункта правілаў усё роўна маюць месца.
Хоць колькасць ДТЗ з уразлівымі ўдзельнікамі дарожнага руху ў параўнанні з 2018 зменшылася на 4 выпадкі, але не абышлося ў мінулым годзе і без іх. У адным пацярпеў веласіпедыст, у другім — возчык гужавога транспарту. На шчасце, здарэнняў з пешаходамі не было. Магчыма, дзякуючы таму, што апошнія ў нашым раёне ўжо цвёрда ведаюць, што неабходна насіць у цёмны час сутак флікеры, і рэдка сустрэнеш такога парушальніка.
— Кожны дзень супрацоўнікі АДАІ РАУС фіксуюць парушэнні ПДР. За кіраванне транспартным сродкам у стане алкагольнага ап’янення затрыманы 63 вадзіцелі, 3 з іх пакараны паўторна, яны ж па законе былі пазбаўлены транспартных сродкаў. Так, праблема п’янства за рулём пакуль існуе: нават нягледзячы на ўзмацненне адміністрацыйнай адказнасці, вадзіцелі пад мухай на дарогах сустракаюцца.
Карыстаючыся выпадкам, хачу выказаць шчырую падзяку тым, хто тэлефануе ў міліцыю, калі бачыць на дарозе п’янага за рулём. У гэтым, лічу, няма нічога ганебнага, бо такім паведамленнем вы, магчыма, ратуеце жыццё ўдзельнікам дарожнага руху. Яшчэ адна катэгорыя парушальнікаў — бяспраўнікі. Тых, хто сеў за руль, не маючы на гэта права, у рукі міліцыянераў у мінулым годзе трапіла роўна 100. А 117 вадзіцеляў не аддалі перавагу пешаходам на пераходзе.
— Для бяспечнай сітуацыі на дарогах важны іх тэхнічны стан. Зразумела, каб усе вуліцы раёна давесці да ідэалу і падтрымліваць яго, патрэбны вялікія грошы, але не варта забывацца, што ад гэтага часта залежыць жыццё, а яно самае галоўнае, што ў нас ёсць. Адзначу, што ў мінулым годзе значна палепшылася дарожнае пакрыццё — як на гарадскіх вуліцах, так і на дарогах раёна. Да абласнога свята «Дажынкі» ў Браславе адрамантавалі 4 931 м дарог і яшчэ 17 456 м дарог мясцовага значэння.
Таксама на двух участках вуліц горада быў зменены прыярытэт руху на больш спрыяльны. Зроблены рамонт кругавога руху ў цэнтры, чаго так доўга дабіваліся браслаўчане.
Пераабсталявалі і 11 пешаходных пераходаў: цяпер яны больш бяспечныя, бо знаходзяцца на ўзвышэнні над дарожным пакрыццём. А 2 пераходы ўвогуле абсталявалі святлодарожнай сігналізацыяй.
Для павышэння бяспекі каля трох школ раёна, а таксама па вуліцы Савецкай устаноўлена агароджа, якая выключае выхад пешаходаў на праезную частку. Каля дзіцячага сада № 3 і СШ № 2 абсталяваны гасцявыя стаянкі.
Паступова мяняюцца дарожныя знакі на больш сучасныя — са спецыяльным святлоадбіваючым пакрыццём. Нямала ўвагі надаецца асвятленню ў населеных пунктах.
Маюць месца, прычым не толькі ў нашым раёне, сутыкненні транспарту з дзікімі жывёламі. Толькі за мінулы год на дарогах Браслаўшчыны зарэгістравана каля 20 такіх выпадкаў. У іх гінуць жывёлы, значныя пашкоджанні атрымлівае транспарт, рызыкуюць сваім жыццём і здароўем людзі. Мы працуем і ў гэтым накірунку. На небяспечных участках выстаўляюцца спецыяльныя дарожныя знакі, які папярэджваюць вадзіцеляў пра магчымы выхад жывёлы. Сёлета плануем разам з Нацыянальным паркам «Браслаўскія азёры» прадоўжыць і ўзмацніць гэтую работу.
— Сёлета нашай галоўнай задачай па-ранейшаму будзе змяншэнне колькасці ДТЗ і смяротнасці ў іх. Згодна з планам комплексу мер па паляпшэнні дарожнага руху «Добрая дарога» працягнем прафілактычную работу з жыхарамі раёна, удзелім асаблівую ўвагу зніжэнню дзіцячага траўматызму на дарогах. Будзем больш працаваць з пешаходамі, веласіпедыстамі, матацыклістамі, вадзіцелямі гужавога транспарту. Плануем абсталяваць яшчэ дзве гасцявыя стаянкі ля ўстаноў адукацыі. Засяродзім увагу на рабоце з вадзіцелямі і механізатарамі арганізацый і сельгаспрадпрыемстваў раёна. Больш пільна будзе правярацца праходжанне перадрэйсавага кантролю і тэхнічнага стану транспартных сродкаў.
Вольга ПАТАПОВІЧ.
Фота аўтара.
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…