Сучасны экалагічны стан навакольнага асяроддзя ставіць перад чалавекам неабходнасць змянення сваіх адносін да прыроды. І кожны павінен разумець, што толькі ў граматным суіснаванні з ёй магчыма далейшае развіццё нашага грамадства. А для гэтага неабходны новыя веды і сістэма каштоўнасцей, якія трэба выхоўваць з дзяцінства.
Значны пласт выхаваўчай работы ў другой гарадской школе адведзены менавіта экалагічнаму навучанню. Ва ўстанове адукацыі створаны рэсурсны цэнтр па энергазберажэнні і экалогіі, школьнае экалагічнае грамадства, дзейнічае тэматычны гурток. Зацікаўленыя навучэнцы разам са сваімі кіраўнікамі праводзяць разнастайныя мерапрыемствы, распрацоўваюць цікавыя праекты.
Нядаўна ў школе прайшла экалагічная канферэнцыя, прысвечаная актуальным праблемам нашага раёна ў сферы аховы прыроды. Удзельнікі форуму разгледзелі як усеагульныя экалагічныя праблемы, так і мясцовыя. Гэта забруджванне паветра і вады, несанкцыянаваныя звалкі адходаў, неабходнасць раздзельнага збору смецця, а таксама характэрнае для раёна распаўсюджванне баршчавіка Сасноўскага.
У мерапрыемстве прынялі ўдзел супрацоўнікі нацыянальнага парка «Браслаўскія азёры», РЦГіЭ, КУП ЖКГ «Браслаў-камунальнік», цэнтральнай дзіцячай бібліятэкі.
Запрошаныя прадстаўнікі арганізацый і прадпрыемстваў разам з вучнямі разважалі, да якіх адмоўных наступстваў прыводзяць бяспечныя адносіны чалавека да прыроды і як іх пазбегнуць. ■
Алена ПЯТУШКА.
Фота аўтара.
