У мінулым месяцы мне выдалася магчымасць пазнаёміцца з гэтым цікавым чалавекам. Завуць яго Леанід Міхайлавіч Лынькоў.
Л. Лынькоў ужо некалькі гадоў на пенсіі. Да гэтага часу працаваў у Беларускім дзяржаўным універсітэце інфарматыкі і радыётэхнікі, загадваў кафедрай абароны інфармацыі. Леанід Міхайлавіч — доктар тэхнічных навук, прафесар. Нягледзячы на тое, што звязаны з тэхнікай, ён захапляецца мастацкай літаратурай. Перачытаў творы не толькі Міхася Лынькова, але і другіх аўтараў.
Леанід Міхайлавіч падзяліўся ўспамінамі пра бацьку. Міхась Лынькоў вучыў сына пракладваць уласны шлях у жыцці, зарабляць грошы сваёй працай. Гэтую навуку той добра запомніў з дзяцінства. Л. Лынькоў памятае бацьку ўжо ў сталым узросце. Творы славуты пісьменнік у той час не пісаў, а рыхтаваў даклады на розныя нарады ў Доме пісьменніка. Леанід Міхайлавіч успамінаў, як ён таксама хадзіў туды на святы.
Частымі гасцямі ў доме Міхася Лынькова былі Максім Танк, Іван Мележ, Аркадзь Куляшоў. Дзеці пісьменнікаў таксама былі добра знаёмыя і разам гулялі ў двары. Міхась Лынькоў вельмі любіў малых. Калі ён, хворы, знясілены, ляжаў у бальніцы, да яго прыйшлі дзеці. Міхась Лынькоў, калі іх убачыў, адразу неяк павесялеў, ажыў, на твары з’явілася ўсмешка.
Адным з любімых заняткаў пісьменніка была рыбалка. Кожнае лета выязджала сям’я на дачу каля Нарачы. Любіў Міхась Ціханавіч пакатаць гасцей на маторнай лодцы па возеры. Ды не проста пакатаць, а праімчаць так, што хвалі накрывалі. У многіх гасцей захоплівала дух, і ад прапановы пракаціцца яшчэ круг некаторыя адмаўляліся.
Л. Лынькоў любіў ўрокі літаратуры, калі вучыўся ў школе, добра пісаў сачыненні. А настаўніца матэматыкі заўважыла ў хлопца матэматычныя здольнасці і параіла паступаць у тэхнічную вышэйшую навучальную ўстанову. Так і звязаў Леанід Міхайлавіч жыццё з тэхнікай. Шмат чаго дасягнуў, шмат дзе пабываў. Разам з тым захаваў любоў да роднай беларускай зямлі. А некалькі гадоў таму назад купіў дачу на Браслаўшчыне. З таго часу з задавальненнем адпачывае тут летам і восенню. Як і бацька, любіць лавіць рыбу. Калі я прыехала да Леаніда Міхайлавіча, то ён якраз рыбачыў.
Знаёмства з гэтым зычлівым, гаваркім чалавекам пакінула добрыя ўражанні. Прыемна, што наша ўтульная вёсачка Быстрамаўцы прывабіла сваёй прыгажосцю Леаніда Міхайлавіча Лынькова — сына беларускага пісьменніка. ■
Алеся МЯДЗІЛЬ,
студэнтка ІІІ курса філалагічнага факультэта ВДУ.
Я с другом после сдачи экзаменов возвращаюсь в родной город. Без дела сидеть не хочется,…
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…