Пад такой назвай у музеі традыцыйнай культуры працуе выстаўка таленавітага майстра, кіраўніка клуба «Ля возера» Наталлі Парахневіч. Гэтую жанчыну добра ведаюць у раёне і за яго межамі. Яна тчэ на кроснах, пляце паясы, вяжа кручком, займаецца пісанкамі і г. д. Разам з супрацоўнікамі МТК аднаўляе ручнікі і традыцыйныя строі Браслаўшчыны. Н. Парахневіч неаднаразова выстаўляла свае творы ў Паставах, Віцебску, Краславе і Наўене (Латвія), удзельнічала ў розных творчых праектах і інш.
На выстаўцы прадстаўлены разнапланавыя вырабы аўтарства браслаўчанкі. Кожны экспанат арыгінальны і непаўторны, са сваёй гісторыяй і колеравай гамай. Яны розныя па памерах і часам уражваюць аб’ёмам. Гэта і насценныя пано, і абярэгі, і сурвэткі. Часам той ці іншы выраб прымушае задумацца над яго сэнсам, што робіць знаёмства з выстаўкай Наталлі Парахневіч яшчэ больш цікавым і захапляльным.
Краявіды Браслаўшчыны, безумоўна, натхняюць мастакоў на стварэнне карцін. А кожны творца бачыць свет па-свойму. У гэтым можна пераканацца падчас агляду экспазіцыі «Браслаўская палітра», якая адкрыта для наведвальнікаў у малой зале МТК.
У асноўным на выстаўцы прадстаўлены работы Мікалая Стаса, Яна Рыдзікі, Чэслава Жусяля і Генадзя Рынкевіча. І калі з творчасцю першых трох мастакоў браслаўчане ўжо знаёмы, то Г. Рынкевіч толькі нядаўна пачаў выстаўляцца. З-пад пэндзля творцаў выходзяць карціны ў розных колеравых гамах і настроях. На іх можна ўбачыць браслаўскія краявіды розных перыядаў года.
Словам, наведаўшы «Браслаўскую палітру», вы не толькі атрымаеце эстэтычную асалоду, але і павандруеце па раёне. Увогуле ж, гэта ўнікальная магчымасць убачыць творчасць мастакоў адначасова ў МТК. ■
Алена НАБЕЕВА.
Фота аўтара.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…