Але трэба адзначыць, што чалавеку, які жыве на пэўнай тэрыторыі, больш падыходзяць мясцовыя звычаі і традыцыі. У кожнага народа свая крыніца энергіі, якая сфарміравалася шматвяковымі традыцыямі, вераваннямі і культурай. А гэта значыць, што кітайскія традыцыі могуць «не закрануць» нас і ніякага ўздзеяння мы не адчуем. Таму, каб стварыць у доме добрую аўру, лепш звярнуцца да традыцый нашых продкаў, тым больш што яны не менш мудрыя і абгрунтаваныя.
Так, напрыклад, яшчэ са старажытных часоў парог лічыцца месцам пражывання радавых духаў. Адсюль, напэўна, і пайшла традыцыя не размаўляць з госцем на парозе, нічога не даваць праз яго, каб дарэмна не турбаваць хатніх таямнічых істот. Над уваходнымі дзвярамі вешаюць ці малююць падкову або крыжык — сімвал аховы дома ад кепскай энергіі і прыцягнення ў яго шчасця.
Лічыцца, што жыццё ўсяго дома круціцца вакол кухні, а таму яна павінна быць заўсёды чыстай і хлебасольнай. Дамавік, дух-вартаўнік, па павер’ях, таксама жыве тут. У гэтым утульным і самым любімым ва ўсіх дамачадцаў месцы пажадана размясціць абярэгі: драўляныя лыжкі, дэкаратыўныя ключы, «косы» з часнаку, цыбулі і перцу.
Пакой, дзе вечарамі збіраецца ўся сям’я і куды вы запрашаеце гасцей, павінен быць самым светлым і прасторным. Чым больш паветра і святла ў гасцінай, тым радаснейшым будзе жыццё ў доме.
Вялікае значэнне нашы продкі надавалі навакольнаму расліннаму свету: кветкі, дрэвы, травы былі і лекамі, і карміцелямі-паіцелямі, і ахоўнікамі. Каб захаваць дом ад сурокаў і злых духаў, каля ўвахода высаджвалі ядловец, папараць і календулу. У кватэры вельмі карысна вырошчваць альяс, разнастайныя кветкі, далікатныя фіялкі.
Кожная рэч у хаце павінна служыць для нейкай канкрэтнай справы. А непатрэбныя, бяссэнсавыя прадметы ў доме ствараюць хаос і беспарадак, таму ад іх трэба сістэматычна пазбаўляцца. І лепш за ўсё гэта рабіць перад Калядамі і напярэдадні Вялікадня. Вядома, гэта далёка не ўсе традыцыі, якімі карысталіся нашы продкі. Ёсць яшчэ шмат розных славянскіх правілаў, з дапамогай якіх можна зрабіць сваё жыццё бяспечным і напоўніць яго сэнсам з дапамогай вобразаў і духоўных ідэй.
А каго зацікавіла гэтая тэма, раю звярнуцца да кніг кандыдата філалагічных навук Янкі Крука, які прысвяціў сваю навуковую дзейнасць вывучэнню традыцыйнай духоўнай спадчыны беларусаў.
Але, на мой погляд, колькі б вы ні перастаўлялі мэблю, садзілі расліны, развешвалі абярэгі, усё ж такі галоўнай сілай перамен у жыцці з’яўляюцца вашы думкі, словы і ўчынкі. Калі ўнутры сябе вы будзеце набліжацца да гармоніі, то і «хатні сусвет» стане поўнай чашай, дабавіць у жыццё ўдачу і дабрыню. ■
Алена ПЯТУШКА.
Накануне 9 мая ветеран Великой Отечественной войны Иван Иванович Кожар принимает многочисленные поздравления с Днем…
В очередном выпуске проекта «Имена Победы» мы расскажем о ефрейторе Марии Богданович, которая, начав боевой…
Продукция цеха по производству сыра г. Браслав ОАО «Глубокский МКК» потребителю хорошо известна, в том…
Комитетом государственного контроля Витебской области обеспечено принятие дополнительных мер по приведению отдельных объектов улично-дорожной сети…
9 мая, четверг, г. Браслав: 10.00 – 10.10 – театрализованная хореографическая постановка «Весна Победы» в…
В Беларуси в соответствии с решением Президента ежегодно ко Дню Победы участникам Великой Отечественной войны…