ЛІЧЫЦЬ НЕ БУДЗЕМ МЫ ГАДЫ пад такой назвай у актавай зале ЦДіМ прайшоў традыцыйны святочны «агеньчык» для ветэранаў педагагічнай працы, які аб’яднаў Дзень настаўніка і Дзень пажылых людзей.
Ды і на тварах запрошаных свяціліся прыемныя ўсмешкі, бо, несумненна, такія душэўныя сустрэчы прыносяць шмат станоўчых эмоцый і даюць магчымасць за кубачкам духмянай гарбаты пагутарыць з былымі калегамі, падзяліцца навінамі.
Прывітальным словам пачала С. Сімановіч цёплае свята. Яна павіншавала прысутных і выказала ўдзячнасць за іх шматгадовую сумленную працу. Вітаў ганаровых гасцей, а таксама пазнаёміў іх з сучаснымі рэаліямі раённай сістэмы адукацыі і начальнік аддзела адукацыі, спорту і турызму райвыканкама Іван Абаровіч.
Абаяльнай вядучай мерапрыемства Аляксандры Раманскай удалося стварыць шчырую і непасрэдную атмасферу ў зале. А разнастайная цікавая праграма свята нікому не дала сумаваць. Вясёлыя забаўляльныя гульні, віктарыны і конкурсы змяняліся цудоўнымі музычнымі нумарамі таленавітых выхаванцаў ЦДіМ. З сардэчнай цеплынёй прысутныя спявалі любімыя песні пад акампанемент Уладзіміра Сакалоўскага. Многія госці атрымалі памятныя прызы за сваё творчае і кулінарнае майстэрства. З добрым гумарам прайшла бяспройгрышная латарэя, білецік якой атрымаў кожны пры ўваходзе ў залу.
Мерапрыемства яшчэ раз пацвердзіла, што нават на заслужаным адпачынку настаўнікі не губляюць цікавасці да актыўнага жыцця, захоўваюць у сабе аптымізм і з ахвотай дзеляцца з іншымі сваёй душэўнай цеплынёй. А сардэчны святочны «агеньчык» падарыў прысутным шчаслівыя хвіліны сустрэчы і запаліў у іх сэрцах іскрынку радасці.
■ Алена ПЯТУШКА. Фота аўтара.
Проект постановления Совета Министров "О предпринимательской деятельности" опубликован для общественного обсуждения на Правовом форуме Беларуси,…
Милиционеры в ходе осмотра придомовой территории 52-летнего жителя Браславского района обнаружили полимерные канистры с окрашенным…
В ночь на 11 мая в разных областях Беларуси было заметно северное сияние. Магнитная буря…
Единый урок, посвященный Дню семьи, пройдет 15-16 мая во всех учреждениях общего среднего образования Беларуси,…
Пасяўная на Браслаўшчыне працягваецца. На раніцу 10 мая, па інфармацыі райсельгасхарчу, засеяна 5 652 га,…
Накануне 9 мая ветеран Великой Отечественной войны Иван Иванович Кожар принимает многочисленные поздравления с Днем…