Для ўсіх беларусаў 2017 год адметны. 500 гадоў таму назад надзвычай таленавіты палачанін Францыск Скарына не толькі ўразіў сваімі ведамі еўрапейскіх вучоных, але і стварыў друкаваную кнігу на роднай мове. Ці маем мы права не ўлічваць гэты факт, пераступіць праз яго дасягненні?
Па ўсёй краіне святкаванне Дня беларускага пісьменства прайшло з ушанаваннем імені нашага знакамітага першадрукара. Не стала выключэннем і мерапрыемства ў Шаркаўшчынскім цэнтры культуры, якое адбылося 9 верасня. Па запрашэнні гаспадароў удзел у ім прынялі сябры браслаўскага літаратурнага аб’яднання «Ветразь надзеі» Данііл Валчок і Людміла Патапенка, а таксама аматар старажытнай музыкі Галляш Сялява.
Арганізатарам свята стала літаратурна-музычнае аб’яднанне «Світанак». На сустрэчу былі запрошаны журналісты, паэты і пісьменнікі, музыкі з Глыбоччыны, Браслаўшчыны і Шаркаўшчыны. Атмасфера мерапрыемства атрымалася шчырая, цёплая і ўтульная. Музыкі і спевакі дарылі прысутным пяшчоту і мілагучнасць роднай мовы, а паэты ўслаўлялі прыгажосць нашага краю, лашчылі слых вершаваным словам.
Браслаўчане таксама падзяліліся з удзельнікамі свята сваім паэтычным і музычным майстэрствам. Данііл Валчок прачытаў вершы, якія ўразілі прысутных мудрасцю, сапраўднымі філасофскімі залацінкамі ды дасціпным гумарам. Людміла Патапенка выступіла са сваімі паэтычнымі спробамі, а Галляш Сялява здзівіў слухачоў майстэрскім іграннем на дудзе.
Свята беларускага пісьменства дазволіла ўсім яго неабыякавым удзельнікам не толькі выказаць заклапочанасць далейшымі шляхамі развіцця роднай мовы і культуры, але і адчуць гонар за высокія дасягненні сваіх землякоў.
Скарына апярэдзіў свой час, і мы, нашчадкі першадрукара і асветніка, павінны захаваць яго каштоўную спадчыну.
Шануйце роднае слова,
Бо ў ім нашых дум чысціня,
Бо мова — выток, і аснова,
І годнасць твая і мая.
■ Людміла ПАТАПЕНКА,
сябра літаратурнага аб’яднання «Ветразь надзеі».
Во всех районах Беларуси введено ограничение на посещение лесов. Об этом сообщает Министерство лесного хозяйства.…
Тракторист-машинист СПК «Маяк Браславский» Леонид Лавринович уже 36 лет работает на земле и, как говорит…
Жизнь Чеслава Манкевича была такой же, как и у его сверстников. Парень из деревни Закорье…
Постановлением Министерства образования от 8 апреля №40 определены сроки проведения в 2024 году вступительной кампании…
Москва готовится к старту нового туристического сезона и рада встретить гостей на масштабном благотворительном фестивале…
За 120 лет профсоюзами Беларуси накоплен колоссальный опыт, заявил председатель Федерации профсоюзов Беларуси Юрий Сенько,…