З дакладам аб праведзенай рабоце выступіла старшыня раённай арганізацыі ветэранаў Вера Сяліцкая. На пачатку свайго выступлення яна ўзгадала кіраўнікоў і ветэранаў аб’яднання, якія стаялі ля яго вытокаў і сваёй актыўнай жыццёвай пазіцыяй унеслі значны ўклад у развіццё ветэранскага руху на Браслаўшчыне. Хвілінай маўчання прысутныя ўшанавалі памяць тых, хто не дажыў да сённяшніх дзён.
Трэба сказаць, што гэта грамадская арганізацыя адна з самых шматлікіх у раёне, бо на яго тэрыторыі жывуць 9 135 пенсіянераў, а таксама ветэранаў вайны і працы.
Як адзначыла ў сваёй справаздачы В. Сяліцкая, савет аб’яднання штогод плануе сваю работу па розных накірунках дзейнасці, вырашае актуальныя пытанні ветэранскага руху ў раёне. Большасць з іх тычыцца сацыяльнай абароны адзінокіх і адзінока пражываючых пажылых людзей, арганізацыі работы па доглядзе за помнікамі і пахаваннямі воінаў і ахвяр Вялікай Айчыннай вайны, працы па прапагандзе здаровага ладу жыцця і арганізацыі вольнага часу ветэранаў, сумеснай дзейнасці з БРСМ па патрыятычным і маральным выхаванні моладзі, працы з адпаведнымі органамі абароны ветэранаў па іх сацыяльнай падтрымцы, удзелу першасных ветэранскіх арганізацый у выбарчых камісіях і многага іншага. Як падкрэсліла ў сваім выступленні Вера Сямёнаўна, усе кіраўнікі арганізацый і прадпрыемстваў раёна матэрыяльна і маральна падтрымліваюць сваіх ветэранаў і аказваюць ім пасільную дапамогу.
У справаздачы старшыні аб’яднання ветэранаў былі дэталёва прааналізаваны ўсе напрамкі дзейнасці ветэранскага руху ў раёне, прычым практычнай часткі яго працы.
Дапоўнілі даклад сваімі выступленнямі начальнік аддзела па ідэалагічнай рабоце, культуры і па справах моладзі райвыканкама Антаніна Абалевіч, дырэктар ТЦСАН Вікторыя Атрашкевіч, старшыня раённай ар- ганізацыі Беларускага Таварыства Чырвонага Крыжа Генадзь Швец.
Ніна Пучынская павіншавала ўдзельнікаў урачыстасці, пажадала ім моцнага здароўя, многім уручыла граматы і падзякі абласнога і раённага ўзроўню. Таксама актывістаў ветэранскага руху на Браслаўшчыне адзначылі старшыня раённага аб’яднання арганізацыі прафсаюзаў Павел Сільчонак і старшыня раённай арганізацыі прафсаюза работнікаў аграпрамысловага комплексу Мікалай Вялічка.
Пасля афіцыйнай часткі таленавітыя гімназісты і браслаўскія самадзейныя артысты зладзілі для прысутных цікавы святочны канцэрт. ■
Алена ПЯТУШКА.
Фота аўтара.
Молодые люди из различных учреждений и организаций Браславщины объединились и благоустроили воинское захоронение в д.…
Прэзідэнт Беларусі Аляксандр Лукашэнка падпісаў Указ нумар 196 аб узнагароджванні ордэнам Маці. За нараджэнне і…
Комитет государственного контроля Витебской области проводит горячую линию с жителями по вопросу своевременности и качества…
В День семьи на городском стадионе состоялась спортландия, главными героями которой стали мамы, папы и…
В эти дни и по 24 мая сотрудники группы наркоконтроля и противодействия торговле людьми Браславского…
Выказаць павагу да беларускіх сімвалаў і гонар за прыналежнасць да сваёй Радзімы – так начальнік…