Пачатак года — час, калі розныя структуры падводзяць вынікі работы і агучваюць свае статыстычныя даныя. З лічбамі звязана і работа аддзела ЗАГС райвыканкама. Аналізуючы іх, супрацоўнікі адзначаюць, што мінулы год быў розным на падзеі ў жыцці браслаўчан. Сярод асноўных тэндэнцый — больш нараджэнняў, аднак менш вяселляў.
— За 2016 год у раёне было зарэгістравана 275 нараджэнняў (на 37 больш, чым у 2015 годзе), а таксама 495 смярцей (на 22 больш). З іх па аддзеле ЗАГС — 162 нараджэнні і 217смярцей. Калі звярнуцца да тэрытарыяльнай адзнакі, то лідзіруюць па колькасці нованароджаных Відзаўскі (33), Опсаўскі (20) і Ахрэмавецкі (20) сельсаветы. А вось адваротная карціна ў Плюскім і Цяцеркаўскім сельсаветах, дзе нарадзіліся 4 і 6 дзяцей адпаведна, — адзначае галоўны спецыяліст аддзела ЗАГС Вера Цяцера.
У краінах Еўропы ў апошні час папулярна ўступаць у шлюб і станавіцца бацькамі ў больш сталым узросце. Існуюць там свае тэндэнцыі і адносна таго, як назваць дзіця: перавагу аддаюць двайным, незвычайным імёнам ці ўсіх дзяцей называюць на адну літару. Браслаўчане да такіх тэндэнцый адносяцца спакойна. Узрост татаў і мам розны: становяцца бацькамі і ў 18, і пасля 45-ці. Так, у мінулым годзе матулямі сталі 2 жанчыны да 18-гадоў і 6 — ад 40 да 45. А вось татамі станавіліся і пасля 50-ці. Аднак самым папулярным узростам бацькоўства стаў ад 25 да 30 гадоў (88 матуль і 75 татаў). Такім чынам, сярэдні ўзрост маці — 27 гадоў, а таты — 30.
Што датычыцца імён, то малых называлі і папулярнымі, і рэдкімі. У хлопчыкаў самым запатрабаваным стала імя Арцём, у 10-цы найбольш папулярных таксама Аляксей, Дзяніс, Мацвей, Мікіта і Цімур. Каторы год у лідарах сярод жаночых імён — Настасся. Не здавала яно пазіцый і ў 2016-ым. Таксама сярод папулярных — Ганна, Лізавета, Сафія, Вікторыя і Дар’я. Сустракаліся і даволі рэдкія імёны, такія як Гардзей, Давід, Дамір, Елісей, Захар, Эльдар, Зарына, Міхаліна, Саміра, Адрыяна. Аднак у ЗАГСе адзначаюць, што ў апошні час у разрад рэдкіх пераходзяць і такія імёны, як Сяргей, Уладзімір, Юрый, Вольга. Іх сваім дзецям у мінулым годзе браслаўчане давалі толькі аднойчы. Увогуле ж за год хлопчыкаў нарадзілася больш (158), чым дзяўчынак (117). А вось у 2015-ым годзе было наадварот: дзяўчынак на свет з’явілася больш.
— Калі нараджэнняў зарэгістравана больш, то вяселляў менш. За мінулы год вузамі Гіменея звязала сябе 161 пара, што на 71 менш, чым у 2015 годзе. З іх непасрэдна ў ЗАГСе — 146. Гэта як маладыя людзі, так і тыя, для каго шлюб не першы, — падкрэслівае В. Цяцера.
Змяніўся і ўзрост жадаючых стварыць сям’ю. Так, сярэдні ў мужчын — 30 гадоў, а ў жанчын — 27. Да 18 гадоў у нас былі 4 нявесты, тых, каму споўнілася 18 — 2 жаніхі і 5 нявест, а вось 4 чалавекі заключылі шлюб ва ўзросце больш за 60 гадоў. Самы папулярны ўзрост для шлюбу — 23 гады (18 жаніхоў і 17 нявест). У мінулым годзе зарэгістраваны 23 шлюбы з замежнымі грамадзянамі — жыхарамі Расіі, Літвы, Швецыі, Украіны, Малдовы, Азербайджана, Латвіі, Казахстана і Грузіі.
Акрамя гэтага, ЗАГС выконваў яшчэ шмат іншых грамадзянскіх працэдур. Было 29 выпадкаў (40 па раёне) устанаўлення бацькоўства, 4 перамены імя, 12 разводаў. Год толькі пачаўся, а значыць, наперадзе ва ўстановы многа спраў.
■ Таццяна ПЯТУШКА.
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…