У пачатку гэтага тыдня сельгаспрадпрыемствы раёна завяршылі ўборку кукурузы, якая займала 3 100 гектараў. З гэтай плошчы сабрана 81 514 тон зялёнай масы пры ўраджайнасці ў 263 ц з га. Частка зялёнкі была скарыстана на падкормку жывёлы, астатняя закладзена на сілас, якога нарыхтавана 63 534 тоны. Такім чынам, завяршыўся і сезон нарыхтоўкі травяністых кармоў.
Мяркуючы па звестках райсельгасхарча, у сёлетнюю зімоўку гаспадаркі ўступаюць са значна большымі запасамі, чым летась. У сярэднім на ўмоўную галаву жывёлы нарыхтавана па 26,5 цэнтнера кармавых адзінак, або 9 430 т сена, 119 тыс. т сенажу і 76 800 т сіласу.
Цяпер механізатарам трэба паспець узараць глебу пад зябліва. Аб’ёмы яго не надта і вялікія. Усяго плануецца ўзняць 8 500 гектараў, з якіх 2 000 прыпадае на ‘‘Маяк Браслаўскі’’ і 1 360 — на ‘‘Агравідзы’’. На сярэдзіну гэтага тыдня было ўзарана 5 130 га, або 60,4 % да запланаванага. З апераджэннем сярэднераённага паказчыка вядзецца восеньскае ворыва ў ААТ ‘‘Браслаўскі райаграсэрвіс’’, СВК ‘‘Маяк Браслаўскі’’, КУСП ‘‘Відзаўскі’’.
■ Аляксандр АЗЕВІЧ.