Не сакрэт, што многія жыхары раёна любяць пагартаць старонкі раённай газеты і
Выправіць гэту недакладнасць вырашылі вучаніцы 4 класа СШ № 1 Ганна Лепяшко, Настасся Чарняўская і Вікторыя Угарэнка разам са сваёй настаўніцай Людмілай Еўдакімавай. Адпаведнае даследаванне яны прадставілі на майскай навукова-практычнай канферэнцыі школьнікаў.
У рабоце “Звязда? Браслаўская звязда” школьніцы паспрабавалі вывучыць гісторыю існавання раённай газеты і тым самым пашырыць веды пра Браслаўшчыну і яе жыхароў. Для гэтага юныя даследчыкі выкарыстоўвалі розныя метады: збіралі матэрыял, карысталіся дакументамі фондаў краязнаўчага музея, сустракаліся з супрацоўнікамі рэдакцыі газеты, праводзілі анкетаванне чытачоў.
Дзяўчынкі даведаліся, што раённая газета пачала адлік сваёй гісторыі з 1939 года. Дарэчы, першыя экзэм- пляры выдання і да гэтага часу захоўваюцца ў фондах Расійскай дзяржаўнай бібліятэкі. Цікава, што спачатку газета называлася “Звязда”, а потым была перайменавана ў “Браслаўскую звязду”. Чацверакласніцы даследавалі і гісторыю браслаўскай тыпаграфіі ‘‘Магата’’, у якой у пасляваенны час друкавалася “раёнка”, а таксама тое, як змяняўся знешні выгляд газеты на працягу дзесяцігоддзяў.
У частцы “Памятныя даты, імёны, лічбы ў гісторыі газеты” юныя даследчыкі ўзгадалі ўсіх кіраўнікоў друкаванага выдання, прасачылі, як на працягу гадоў мяняўся тыраж, фармат і змест “Браслаўскай звязды”, а таксама якімі ўзнагародамі ганарыцца калектыў.
Ад вывучэння гісторыі выдання школьніцы перайшлі да сучаснасці. Пагартаўшы старонкі “Браслаўскай звязды”, дзяўчынкі высветлілі, якія тэмы і рубрыкі часцей за ўсё знаходзяць адлюстраванне, а потым правялі анкетаванне сярод настаўнікаў і бацькоў і прыйшлі вось да якой высновы. Сярод апытаных 64% з’яўляюцца пастаяннымі чытачамі, у асноўным яны выпісваюць “раёнку” праз пошту. Дарэчы, ёсць сярод іх і тыя, хто неразлучны з газетай каля 30 гадоў. А цікавяць падпісчыкаў часцей за ўсё навіны, матэрыялы пра жыхароў Браслаўшчыны.
У выніку школьніцы прыйшлі да высновы, што “Браслаўская звязда” мае багатую гісторыю, а на праця- гу вось ужо 77 гадоў яе актыўна чытаюць і высока цэняць. Многім інтэрнэт не заменіць паху свежай фарбы, магчымасці пагартаць падшыўку газет, дзе клапатлівай рукой абведзеныя артыкулы пра дзяцей ці ўнукаў, абмеркаван- ня ў коле сям’і гарадскіх навін і здарэнняў, прачытаных у “раёнцы”. І пакуль ёсць такія чытачы, газета будзе існаваць і прыносіць людзям радасць.
■ Таццяна ПЯТУШКА.
Во всех районах Беларуси введено ограничение на посещение лесов. Об этом сообщает Министерство лесного хозяйства.…
Тракторист-машинист СПК «Маяк Браславский» Леонид Лавринович уже 36 лет работает на земле и, как говорит…
Жизнь Чеслава Манкевича была такой же, как и у его сверстников. Парень из деревни Закорье…
Постановлением Министерства образования от 8 апреля №40 определены сроки проведения в 2024 году вступительной кампании…
Москва готовится к старту нового туристического сезона и рада встретить гостей на масштабном благотворительном фестивале…
За 120 лет профсоюзами Беларуси накоплен колоссальный опыт, заявил председатель Федерации профсоюзов Беларуси Юрий Сенько,…