“Не пераступі праз мяжу дазволенага” пад такой назвай у Ахрэмаўскай школе прайшоў круглы стол, на які былі запрошаны айцец Анатоль і ўрач-валеолаг ЦРБ Генадзь Швец.
Размова ішла з вучнямі 7 — 11 класаў. Урач нагадаў, што лепшай прафілактыкай хвароб з’яўляецца здаровы лад жыцця. Засяродзіў увгу Генадзь Рыгоравіч і на шкодных звычках, якія атручваюць арганізм. Асобна ен спыніўся на тэме наркаманіі, якая, на жаль, у апошні час становіцца актуальнай і на Браслаўшчыне. Школьнікі таксама паглядзелі жудасны фільм пра наркаманаў, накіраваны на прафілактыку пагубнай звычкі.
Айцец Анатоль, у сваю чаргу, нагадаў царкоўныя запаведзі і папрасіў дзяцей заўседы прытрымлівацца іх. Таксама ен расказаў пра Вялікі пост. Свяшчэннаслужыцель растлумачыў, што гэта час, калі трэба навучыцца ўстрымлівацца ў жаданнях і ўмець адмаўляць сабе.
- Навучыўшыся адмаўляць саме ў “маленькіх” жаданнях, аднойчы адмовіцеся і ў “вялікіх” і не пераступіце мяжу дазволенага, — сказаў айцец Анатоль.
Тэкст і фота Вольгі Патаповіч.
