На забруджаную тэрыторыю тэрмінова адпраўляліся вайсковыя падраздзяленні, ваенкаматы мабілізавалі «запаснікоў» войск спецыяльнага прызначэння, туды накіроўвалі ўрачоў, ветэрынараў, прадстаўнікоў іншых службаў. У ліку іх быў і тагачасны ўрач-эпізаатолаг раённай ветлячэбніцы Зянон Рыкун. 29 мая ён прыбыў у Нароўлю — адзін з найбольш пацярпелых ад аварыі раёнаў Беларусі.
…Дзесяць дзён — імгненне ў жыцці чалавека. Толькі іншы раз гэтае імгненне застаецца і цягнецца непарыўным болем, крыкам душы на ўсе адведзеныя Богам дні. Як расказваў Зянон Казіміравіч, ніякіх гераічных учынкаў не здзяйсняў. Яму ставілі канкрэтную задачу: ветэрынар павінен быў аб’язджаць пашы сельгаспрадпрыемстваў Нараўлянскага раёна, зрываць для пробы траву, дзе пасвіцца дойны статак, а таксама браць для аналізаў малако ранішняй, абедзеннай ці вячэрняй дойкі. Да шаснаццаці гадзін усе пробы павінны былі быць праверанымі, а паказчыкі дазіметрычных прыбораў перададзены па спецыяльным нумары тэлефона. (Прычым ні калегі з нараўлянскай ветлабараторыі, ні сам выканаўца не ведалі, каму гэты нумар належыць.).
— Ніякіх сродкаў індывідуальнай аховы ад радыяцыі нам не выдавалі, — кажа Зянон Казіміравіч. — Жыў ў гасцініцы, транспарт прадастаўляла мясцовая лабараторыя. Адзіная прывілея — бясплатная лазня. Але што яна значыла, калі пасля мыцця даводзілася апранаць тое ж адзенне, у якім хадзіў па палях. Пробы, што прывозіў на аналізы, былі настолькі забруджаны радыенуклідамі, што прыборы проста зашкальвалі. Я разумеў, чаго гэта каштуе, таму ў сталовай, дзе нам ладзілі харчаванне, ад ежы адмаўляўся, піў толькі мінеральную ваду.
Ліквідатар успомніў і такую акалічнасць: катэгарычна забаранілі праводзіць аналізы прадукцыі з уласных падвор’яў. Але, калі людзі ўсё ж звярталіся, употай ішлі на парушэнне забароны. У той час, мяркуе З. Рыкун, многія кіраўнікі самі не ўяўлялі маштабнасці катастрофы. Гараджане ездзілі ў гаспадаркі на праполку буракоў, у магазінах прадаваўся хлеб мясцовай выпечкі. Аднак паціху стала з’яўляцца інфармацыя пра сапраўдныя памеры радыяцыі і людзі тэрмінова пачалі пакідаць абжытыя мясціны. Калі ад’язджаў з Нароўлі, успамінае ліквідатар, на вакзале панаваў перапалох, і здавалася, што трапіў на здымкі кінафільма пра першыя дні вайны. На жаль, гэта была рэальнасць.
Аляксандр Азевіч. Фота аўтара.
На этой черно-белой фотографии запечатлен момент присяги браславчанки Ирины Корвель, которая отправилась в командировку в…
«Не бяруся за справу, якую не магу зрабіць, не люблю інтрыг, валодаю неўтаймоўным аптымізмам, люблю…
Уже несколько лет кряду браславчан волнует качество воды, которая течет из кранов в их домах…
В Витебской области 27 апреля будет дан старт региональному этапу чемпионата Республики Беларусь по футболу…
Концепция национальной безопасности и Военная доктрина Республики Беларусь, которые были утверждены на заседании VII Всебелорусского народного собрания, официально…
Совсем недавно белорусский парламент принял поправки в законы по национальной безопасности. Одно из главных новшеств…