Больш за 200 маладых браслаўчан паўдзельнічалі сёлета ў студатрадаўскім руху. Нашы хлопцы і дзяўчаты былі задзейнічаны на сушцы зерня, уборцы тэрыторый зернесховішчаў, зборы камянёў на палях, уборцы бульбы і караняплодаў, сэрвісным абслугоўванні турыстаў.
Вынікі часовай працоўнай занятасці моладзі вобласці “Працоўны семестр — 2015” на мінулым тыдні падвялі ў Віцебскім дзяржаўным тэхналагічным універсітэце. Лепшых з лепшых у гэтым працоўным семестры назвалі ў 14 намінацыях. У цырымоніі прынялі ўдзел прадстаўнікі органаў выканаўчай улады вобласці, цэнтральнага камітэта БРСМ, кіраўнікі прадпрыемстваў, устаноў, арганізацый, моладзь. Прыемна адзначыць, што сярод запрошаных на ўрачыстасць былі і браслаўчане, якія ў гэты вечар не раз падымаліся на сцэну за ўзнагародамі.
Напачатку госці цырымоніі маглі пазнаёміцца з выстаўкай фатаграфій, на якіх адлюстравана праца студэнцкіх атрадаў і дасягненні вобласці па працаўладкаванні моладзі, паўдзельнічаць у акцыях “У аб’ектыве з пазітывам”, “Геаграфія атрада”, а таксама атрымаць сімвал Года моладзі — яблык.
Урачыстую частку цырымоніі адкрыў намеснік старшыні Віцебскага аблвыканкама Уладзімір Цярэнцьеў. Ён адзначыў ролю студатрадаў у сучасным жыцці, падзякаваў моладзі за добрую працу і заклікаў надалей быць такімі ж актыўнымі. А потым уручыў узнагароды лепшым.
Браслаўчанам пакарыліся чатыры намінацыі. Так, пераможцам абласнога конкурсу “Працоўны семестр — 2015” у намінацыі “Лепшы наймальнік студэнцкага атрада” стаў СВК “Маяк Браслаўскі”, які не першы год дапамагае ў працаўладкаванні моладзі. Галоўнымі памочнікамі СВК з’яўляюцца школьнікі Опсаўскай школы. Дарэчы, іх сельскагаспадарчы атрад імя І. І. Якубоўскага перамог у намінацыі “Лепшы сельскагаспадарчы атрад установы адукацыі, якая забяспечвае атрыманне агульнай сярэдняй адукацыі”.
А вось у намінацыі “Лепшы сэрвісны атрад” перамог атрад “Хваля”, які працаваў на турбазе “Браслаўскія азёры”. А валанцёрскі лагер “Экабум” гімназіі заняў 2 месца ў абласным этапе рэспубліканскага конкурсу “Моладзь за чысціню гарадоў і вёсак” у намінацыі “Лепшы валанцёрскі атрад (лагер) моладзі, што вучыцца”.
— Такі поспех стаў магчымым дзякуючы мэтанакіраванай і зладжанай дзейнасці кіраўнікоў гаспадарак і арганізацый, школьнікаў раёна, саюза моладзі і раённай улады, — падкрэсліла першы сакратар райкама ГА БРСМ Марыя Сяліцкая. — Безумоўна, мы вельмі задаволеныя вынікамі і будзем імкнуцца памножыць іх у наступным годзе.
Таццяна Пятушка.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…