Вось і сёлета шаноўнае месца зноў ператварылася ў залу пад адкрытым небам: поручні лесвіцы былі ўпрыгожаны рознакаляровымі шарамі, музыка разносілася далёка за межы бальнічнай тэрыторыі. Паклапаціліся арганізатары і пра сталых гасцей урачыстасці, якія размясціліся на крэслах, медперсанал выйшаў са сваіх кабінетаў, каб павітаць ветэранаў і маладых калег.
Пасля прывітальных слоў вядучых мерапрыемства — урача-тэрапеўта Міхаіла Героева і загадчыцы клініка-дыягнастычнай лабараторыі Надзеі Глінскай — на імправізаваную сцэну са сваімі настаўнікамі выйшлі маладыя спецыялісты. Сёлета калектывы ЦРБ папоўнілі сем урачоў, зубны фельчшар, псіхолаг, два фельчары-лабаранты і электраманцёр. Усе яны прыйшлі з багажом тэарытычных ведаў, якія атрымалі ў спецыялізаваных ўстановах адукацыі, а задача іх настаўнікаў — прымножыць і накіраваць гэтыя веды на карысць і патрэбу пацыентаў.
Урач-эндакрынолаг Андрэй Грыгор’еў, які сам толькі год таму назад пераступіў парог раённай установы аховы здароўя, павіншаваў сваіх маладых калег, пажадаў ім плённа пачаць працоўны шлях.
І пад сур’ёзным і праніклівым поглядам бронзавага С. Нарбута маладыя спецыялісты далі клятву быць дастойнымі абранаму шляху і добрасумленна выконваць статут установы.
Шчыра павіншаваў моладзь з пачаткам прафесійнай дзейнасці галоўны ўрач ЦРБ Аляксандр Макарэвіч, пажадаў ім поспеху і выніковай працы, адказна адносіцца да сваіх абавязкаў і ўважліва ставіцца да кожнага пацыента. Не трэба баяцца цяжкасцей, а ў выніку неабходнасці, падкрэсліў А. Макарэвіч, маладыя супрацоўнікі калектыву заўсёды могуць разлічваць на дапамогу старэйшых і больш вопытных калег.
Да яго слоў далучылася і першы сакратар райкама БРСМ Марыя Сяліцкая, а таксама за супрацоўніцтва і актыўны ўдзел у рэалізацыі маладзёжнай палітыкі яна ўручыла ўдзячнасць Аляксандру Макарэвічу і грамату сакратару пярвічнай арганізацыі БРСМ раённай установы аховы здароўя Інэсе Касцюкевіч.
У кожнай пары года свае радасці і свае фарбы. Так і ў жыцці чалавека: юнацтва заўсёды поўнае надзей і памкненняў, сталасть — пара росквіту творчых сіл і здзяйсненняў, клопату пра дзяцей і ўнукаў. І хто іншы, як не мудрыя людзі “залатога пакалення”, з радасцю падзеліцца сваім вопытам і навыкамі, жыццёвай мудрасцю і цеплынёй свайго сэрца. Менавіта на гэтым і трымаецца сувязь пакаленняў.
Шчырымі апладысментамі віталі медыкі сваіх ветэранаў, якія прыйшлі на свята. Тым, хто сёлета пайшоў на заслужаны адпачынак, уручылі букеты і падарункі. Ад іх імя са словамі ўдзячнасці за клопат і ўвагу выступіла былая медсястра Ірына Чамярынская.
Радавалі ўдзельнікаў свята сваім выступленнем артысты РЦК, спяваў для іх і Міхаіл Героеў.
Закончыла ўрачыстасць вершаванымі пранікнёнымі радкамі старшыня прафкамітэта ЦРБ Аксана Радзько.
Алена Пятушка.
Фота аўтара.
9 мая, четверг, г. Браслав: 10.00 – 10.10 – театрализованная хореографическая постановка «Весна Победы» в…
В Беларуси в соответствии с решением Президента ежегодно ко Дню Победы участникам Великой Отечественной войны…
Президент Беларуси Александр Лукашенко 7 мая принял участие в торжественном собрании по случаю Дня Победы. Во время…
Белорусы – очень гуманные люди. Вместе с тем принцип неотвратимости наказания за содеянное у нас…
Мероприятия "Последний звонок" для учащихся IX, XI классов учреждений общего среднего образования в Беларуси пройдут…
Президент Беларуси Александр Лукашенко наградил девять населенных пунктов страны вымпелом «3а мужнасць і стойкасць у…