За восем гадоў сваёй работы ўрач акушэр-гінеколаг райбальніцы Вольга Сікорская дапамагла ўбачыць сонечнае святло не адной сотні немаўлят.
Менавіта столькі прайшло часу, як малады спецыяліст пасля заканчэння Віцебскага медыцынскага ўніверсітэта разам з мужам прыехала на яго радзіму. За кароткі час абаяльнаму чуламу ўрачу ўдалося заваяваць давер пацыентак, павагу калег і адміністрацыі, а Браслаўшчына стала для яе другой радзімай.
Як прызнаецца сама Вольга Уладзіміраўна, ступіць на медыцынскі шлях яе падштурхнула настаўніца хіміі роднай школы, што на Магілёўшчыне.
— Першыя роды, — успамінае В. Сікорская, — убачыла на 4 курсе. Уражанні былі моцнымі, супярэчлівымі і незабыўнымі — і жах, і трапятанне, і здзіўленне.
З цягам часу замест эмоцый прыйшлі трывалыя веды, разважлівасць і ўпэўненасць у сваіх сілах. Добрым словам удзячнасці ўспамінае Вольга Уладзіміраўна сваіх настаўнікаў з Наваполацкай бальніцы, дзе яна праходзіла інтэрнатуру і на практыцы спасцігала нюансы сваёй прафесіі.
Які гэта неймаверны цяжар і вялікая адказнасць напружана сачыць і за станам маці, і за сэрцабіццём маленькага чалавечка, які павінен вось-вось нарадзіцца! А часам здараецца, што роды праходзяць у экстрэмальных умовах, калі на шалях жыцця і смерці лёс парадзіхі і немаўляці.
— І толькі першы жыццесцвярджальны крык дзіцяці, — кажа ўрач, — і шчаслівыя вочы маці дапамагаюць забыць і пра бяссонную ноч, і пра напружаную працу, і пра хваляванні.
За мінулы год у браслаўскім радзільным аддзяленні нарадзілася 150 маленькіх грамадзян нашай цудоўнай краіны, а 98 жанчын пажадалі нарадзіць немаўля ў Віцебску, Полацку ці Міёрах.
Радуе і тое, адзначае Вольга Уладзіміраўна, што некаторыя таты жадаюць прысутнічаць пры нараджэнні сваіх дзяцей. Зразумела, перад такой значнай і адказнай падзеяй яны праходзяць строгі медыцынскі агляд ды і рыхтуюцца маральна.
Таму, будучыя бацькі, у вас ёсць магчымасць пры згодзе ўрача стаць удзельнікам свяшчэннага дзейства і самім перарэзаць пупавіну свайму дзіцяці.
Несумненна, падтрымка любага чалавека вельмі важная для парадзіхі і надае ёй сілы. Адно засмучае, што не так ужо многа мужчын, якія б згадзіліся падзяліць пакуты жанчыны. Напэўна, моцная палова чалавецтва ўсё ж вельмі далікатная і нервовая.
Далікатна і ў той жа час мэтанакіравана, засяродзіла ўвагу выконваючы абавязкі загадчыка радзільнага аддзялення В. Сікорская, урачы жаночай кансультацыі і псіхолаг бальніцы адносяцца да праблемы папярэджання абортаў. І ўжо не аднаму маленькаму чалавечку ўдалося зберагчы жыццё. Несумненна, тэма вельмі душашчыпальная, далікатная і важная. Не так проста знайсці патрэбныя словы і довады, каб адгаварыць жанчыну ад фатальнага кроку і змясціць шалі ў бок жыцця.
А іншую цяжарнасць даводзіцца пражываць і выношваць літаральна разам з будучай маці, бо, на жаль, не заўсёды жаданне мець дзіця супадае з магчымасцямі і добрым здароўем жаночага арганізма.
І як тут не ўспомніць словы з паэмы беларускага класіка Францішака Багушэвіча: “Бог не роўна дзеле.”
Парадзіхі, якія паступаюць у радзільнае аддзяленне, заўсёды атрымліваюць кваліфікаваную медыцынскую дапамогу, усе ахутаны ўвагай і клопатам. Жанчынам з сацыяльна небяспечных сем’яў прапаноўваюць бясплатна сродкі кантрацэпцыі. Арганізоўваюцца выезды гінеколагаў на ФАПы, і жанчыны з вёсак на месцы могуць атрымаць кансультацыю спецыяліста.
Але ёсць катэгорыя жанчын, засмучаецца Вольга Уладзіміраўна, якія няўважліва ставяцца да свайго здароўя і здароўя дзіцяці, не выконваюць рэкамендацыі ўрача, кураць, могуць нават пацягнуць і чаргу. І ў такіх выпадках зноў трэба знайсці адпаведныя словы: кагосьці паўшчуваць, іншых прысароміць.
Многія лічаць, што для акушэраў-гінеколагаў нараджэнне дзіця — звычайная праца. Зусім не, бо кожныя роды — вялікая адказнасць.
Мне вельмі прыемна ўсведамляць, — прызнаецца В. Сікорская, — што сваёй штодзённай працай я дапамагаю сем’ям спасцігаць вялікую радасць бацькоўства, сустракаючы маленькіх анёлаў.
Алена Пятушка.
Фота аўтара.
На этой черно-белой фотографии запечатлен момент присяги браславчанки Ирины Корвель, которая отправилась в командировку в…
«Не бяруся за справу, якую не магу зрабіць, не люблю інтрыг, валодаю неўтаймоўным аптымізмам, люблю…
Уже несколько лет кряду браславчан волнует качество воды, которая течет из кранов в их домах…
В Витебской области 27 апреля будет дан старт региональному этапу чемпионата Республики Беларусь по футболу…
Концепция национальной безопасности и Военная доктрина Республики Беларусь, которые были утверждены на заседании VII Всебелорусского народного собрания, официально…
Совсем недавно белорусский парламент принял поправки в законы по национальной безопасности. Одно из главных новшеств…