Напачатку для дэлегацыі дэпутацкага корпуса Браслаўшчыны была арганізавана экскурсія па парламенце нашай краіны, музеі гэтага заканадаўчага органа, дзе ўдзельнікі сустрэчы больш падрабязна пазнаёміліся з яго гісторыяй, убачылі вельмі цікавыя і рэдкія экспанаты. А затым зносіны працягваліся ў Авальнай зале парламента. Перад гасцямі з Браслава выступілі дэпутаты Палаты прадстаўнікоў, старшыні і намеснікі пастаянных камісій Генадзь Грыцкевіч, Людміла Дабрыніна, Аляксандр Цацоха, Наталля Гуйвік, Вадзім Дзевятоўскі, Аляксандр Сягоднік. Народныя выбраннікі расказалі пра сваю парламенцкую дзейнасць, новыя заканадаўчыя напрацоўкі. У прыватнасці, старшыня пастаяннай камісіі Палаты прадстаўнікоў па бюджэце і фінансах Людміла Дабрыніна пазнаёміла з праектам бюджэту нашай краіны на будучы год, які літаральна на наступны дзень слухаўся ў другім чытанні, праінфармавала таксама пра змены ў фарміраванні мясцовых бюджэтаў.
У ходзе зносін зацікаўлена абмяркоўваліся пытанні, якія датычаць мясцовага самакіравання, аховы здароўя, адукацыі, фізічнай культуры, сямейнай і маладзёжнай палітыкі. Дэпутаты Браслаўскага райсавета задалі прадстаўнікам парламента шмат пытанняў. Яны тычыліся такіх праблем, як дысбаланс цэн на сельгаспрадукцыю, павелічэнне падатку з гаспадароў аграэкасядзіб, прыцягненне моладзі да заняткаў спортам, выдача лякарстваў па рэцэптах і іншыя. На ўсе зададзеныя пытанні парламентарыі далі кампетэнтныя адказы.
У сваю чаргу дэпутаты Палаты прадстаўнікоў звярнуліся да браслаўчан з просьбай больш актыўна прымаць удзел у абмеркаванні распрацоўваемых заканадаўчых актаў, бо на месцах больш відавочныя праблемы, якія хвалююць людзей.
Затым у Авальнай зале парламента ва ўрачыстай абстаноўцы дэпутатам Браслаўскага райсавета былі ўручаны пасведчанні і значкі. Як пазней адзначылі парламентарыі, да гэтага часу такой знамянальнай падзеі яшчэ не адбывалася.
Паездка ў сталіцу стала таксама добрай нагодай для наведвання браслаўскімі дэпутатамі Музея Вялікай Айчыннай вайны і музея авіяцыйнай тэхнікі пад адкрытым небам пры рэспубліканскім цэнтры ДТСААФ.
Я папрасіла ўдзельнікаў сустрэчы падзяліцца сваімі ўражаннямі пра паездку.
Іван Абаровіч, начальнік аддзела адукацыі, спорту і турызму, дэпутат райсавета па Дрысвяцкай выбарчай акрузе №28:
— Зносіны з дэпутатамі Палаты прадстаўнікоў застануцца ў памяці назаўсёды. Па-першае, не кожны дзень атрымліваеш пасведчанне дэпутата з рук парламентарыя. Па-другое, было вельмі карысна пачуць шмат важнай інфармацыі, у тым ліку і пра сферу адукацыі, фізічнай культуры.
Віктар Сырыца, начальнік інспекцыі Міністэрства па падатках і зборах па Браслаўскім раёне, дэпутат райсавета па Іказненскай выбарчай акрузе №20:
— Сустрэча пакінула толькі станоўчыя ўражанні. Прыемна ўразіла атмасфера, у якой яна праходзіла. Парламентарыі гутарылі з намі на роўных і вельмі даступна даносілі тую інфармацыю, якой валодаюць самі. Не пакінулі без увагі ніводнае з зададзеных намі пытанняў. Асабіста мне было цікава ўсё, што гаварылася ў першую чаргу пра падатковае заканадаўства.
Павел Антанёнак, старшыня Цяцеркаўскага сельвыканкама:
— Як і ўсім маім калегам, мне ўпершыню пашчасціла прымаць удзел у мерапрыемстве такога высокага ўзроўню. Карысна і цікава было ўсё, пра што гаварылі з намі парламентарыі. Аднак найбольш для сябе я пазнаў пра новаўвядзенні ў мясцовым самакіраванні, фарміраванні бюджэтаў сельсаветаў. І, безумоўна, прыемна было ўбачыць вядомага ў нашай краіне спартсмена Вадзіма Дзевятоўскага, даведацца не толькі пра яго дэпутацкую дзейнасць, а і ўласныя погляды на жыццёвыя каштоўнасці.
Зінаіда Палулех.
Фота аўтара.
В рамках одноименной акции работники Браславского районного отдела по ЧС проводят масштабную профилактическую работу, чтобы…
Денис ГЛЕБКО, официальный представитель Полоцкого пограничного отряда: – Глава нашего государства неоднократно подчеркивал и подчеркивает:…
В рамках рабочей поездки в Витебскую область, посещая Браславский район, председатель Палаты представителей Национального собрания…
В четверг, 25 апреля, в 9.15 утра в Браславский РОЧС поступило сообщение о пожаре в…
«Время выбрало нас». Под таким девизом в Минске 24 – 25 апреля работало VII Всебелорусское…
На этой черно-белой фотографии запечатлен момент присяги браславчанки Ирины Корвель, которая отправилась в командировку в…