Цікава і карысна прайшла размова з урачом па лячэбнай фізкультуры ЦРБ Аксанай Радзько з наведвальнікамі тэрытарыяльнага цэнтра сацыяльнага абслугоўвання насельніцтва. Яна прадэманстравала асноўныя віды фізічных практыкаванняў для інвалідаў, пры гэтым нагадала не злоўжываць нагрузкамі, папярэдзіла пра супрацьпаказанні, адказала на пытанні.
Але, напэўна, нішто не прыносіць столькі радасці і ўсмешак, як шчырыя песні і вясёлыя конкурсы. Таму сагрэць сэрцы і запаліць вясёлыя агеньчыкі ў вачах падапечных аддзялення дзённага знаходжання інвалідаў 3 снежня завіталі да іх са святочнай праграмай супрацоўнікі РДК і вакальная група “Браслаўскія весялухі”.
Гумар, смех, радасны настрой віталі ў памяшканні падчас музычнага мерапрыемства, а дзякуючы спонсарскай дапамозе старшыні раённай арганізацыі “Белая Русь” Яраслава Сапеля, генеральнага дырэктара ААТ “Глыбоцкі малочнакансервавы камбінат” Валерыя Дулінскага, старшыні раённай арганізацыі “Беларускае таварыства інвалідаў” Іны Туравец, дырэктара ПВГУП “Альбус” Святланы Петрашкевіч, дырэктара ТАА “Вокны-Брас” Віктара Курца, саладосці, гарбата і напіткі на сталах стварылі дружную сямейную атмасферу, ды і ўручаныя прадуктовыя наборы парадавалі атрымацеляў.
Не абышлі ў гэтыя дні ўвагай і састарэлых, пражываючых у аддзяленні кругласутачнага знаходжання ў Барунах. Напярэдадні Дня інвалідаў падзяліцца радасным настроем туды завіталі вучні Плюскай сярэдняй школы.
У сам жа дзень бубуль і дзядуляў наведала вялікая і разнастайная дэлегацыя. Вясёлымі галасамі напоўнілі будынак вучні гімназіі і выхаванцы Друйскага дзіцячага дома, прыбылі супрацоўнікі і наведвальнікі ТЦСАН, прадстаўнікі савета ветэранаў, в.а. старшыні раённага аб’яднання Чырвонага Крыжа Генадзь Швец.
На імправізаванай сцэне гучалі жыццесцвярджальныя песні ў выкананні як гасцей, так і саміх інвалідаў і састарэлых, прыўзнялі ўсім настрой і іскрамётныя танцы гімназістаў.
Даспадобы прыйшоўся слухачам беларускі гумарыстычны верш на злабадзённую тэму п’янства ў выдатным артыстычным выкананні Г. Швяца.
Адышоў чарговы міжнародны Дзень інвалідаў, але галоўнае, каб увага да гэтых людзей не аслаблялася і на працягу ўсяго года. Мы заўсёды павінны памятаць пра людзей з цяжкім лёсам, але моцных духам, разумеючых, кошт жыцця, якім бы яно ні было.
Алена Пятушка.
Фота аўтара.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…