Наш шлях ляжаў у відзаўскім накірунку. Лагеры, дзе мы пабывалі, ваенна-патрыятычнага профілю і цесна супрацоўнічаюць з бліжэйшымі пагранпастамі. І такіх баз адпачынку сёлета 10, што тлумачыцца прыгранічным размяшчэннем нашага раёна.
Дзевяцідзённы аздараўленчы кругласутачны лагер палатачнага тыпу вучняў з Мяжан размясціўся на тэрыторыі былой Баравіцкай школы. Гэта першая спроба адміністрацыі ўстановы адукацыі арганізаваць для сваіх вучняў адпачынак па-за сценамі ўласнага будынку.
Дзеці адразу наперабой пачалі расказваць пра цікавыя, вясёлыя, запамінальныя мерапрыемствы, цудоўныя вечары каля вогнішча, прыгадалі сустрэчу з пагранічнікамі паста “Карасіна” і ў адзін голас упэўнілі, што дадому зусім не хочуць.
Кожны дзень у лагеры тэматычны — забаўляльныя праграмы, марафоны, спартыўныя гадзіны, асобным радком — мерапрыемствы, прысвечаныя 70-годдзю вызвалення Беларусі.
Наступны прыпынак — Відзаўская школа, якая пад сваім дахам гасцінна прытуліла наведвальнікаў лагера дзённага знаходжання “Юныя сябры пагранічніка”, а ў навучальны перыяд тут дзейнічае аднайменнае аб’яднанне па інтарэсах.
Не адзін год доўжыцца супрацоўніцтва школы з ваеннаслужачымі пагранічнага паста “Відзы”, якое перарасло ў трывалае сяброўства.
Наша рабочая група якраз трапіла на свята “Прысвячэнне ў юныя сябры пагранічнікаў”.
Пасля пастраення на пляцы школьнікі па-вайсковаму далі клятву, затым прапаршчык пагранпаста “Відзы” Юрый Бічэль уручыў вучням пасведчанне юных сяброў пагранічнікаў і шэўроны, а лідар атрада — Лізавета Жарнасекава атрымала фуражку камандзіра.
З дапамогай настаўнікаў распрацаваны сцяг і герб атрада, набыты банданы на галовы ахоўнага колеру. Засталося прыдбаць адпаведную форму, на якую, на жаль, не хапае сродкаў, таму адміністрацыя школы звяртаецца да спонсараў, якія могуць дапамагчы дзецям у поўнай меры адчуць сябе пагранічным атрадам.
Цікава і насычана праходзяць летнія дні ў кругласутачным лагеры з дзевяцідзённым знаходжаннем пры Казянскай школе. На час нашага прыезду школьнікі падарожнічалі па мясцовых ваколіцах. Таму начальнік лагера Валянціна Падгайская паведаміла, што ў лагеры ў асноўным дзеці з няпоўных і шматдзетных сямей. План мерапрыемстваў насычаны разнастайнымі конкурсамі, турнірамі, гульнямі, прафілактычнымі гутаркамі, працоўнымі дэсантамі, наведвалі вучні і пагранпост “Казяны”. Кожны вечар падводзяцца вынікі і самыя актыўныя ўдзельнікі атрымліваюць прызы — школьныя канцылярскія прылады.
У абавязковым парадку ва ўсіх прышкольных лагерах праходзіла акцыя “Канікулы без дыму і агню”, накіраваная на супрацьпажарную сітуацыю.
Нават пасля наведвання толькі 3 лагераў, ацэнкі іх дзейнасці, якую дала рабочая камісія, можна з упэўненасцю сказаць, што падлеткі пад кантролем педагогаў заняты карыснымі і цікавымі справамі, забяспечаны паўнавартасным харчаваннем.
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…