На доўгія дзесяцігоддзі ўперад глядзяць супрацоўнікі раённай дзіцячай бібліятэкі. Менавіта таму адным з асноўных напрамкаў іх работы з’яўляецца духоўна-маральнае выхаванне нашых дзяцей. А праграма «Да духоўнасці — праз кнігу», якая дзейнічае з пачатку бягучага года, разлічана закрануць самыя важныя струны душы маленькіх чытачоў.
У межах гэтай праграмы ў чытальнай зале бібліятэкі прайшлі чарговыя заняткі «Сумленне і пакаянне». Вучні 3 класа СШ № 2 разам з бібліятэкарам Таццянай Сямёнычавай на прыкладзе паводзін літаратурных герояў разважалі над вечнымі паняццямі дабра і зла.
Дома дзецям было прапанавана заданне напісаць, што такое сумленне. Сур’ёзнымі і грунтоўнымі атрымаліся адказы пачаткоўцаў, у чым немалая заслуга іх бацькоў і настаўніцы Валянціны Завадскай. Адзін вучань параўнаў сумленне з сігналізацыяй, якая пачынае дзейнічаць унутры чалавека, калі робіш штосьці не так. Згадзіцеся, вельмі трапнае параўнанне. Шкада толькі, што не ва ўсіх ёсць такая сігналізацыя, і на базары яе не купіш.
Змястоўна і дасціпна пра сумленне і пакаянне расказваў вучням благачыннага Браслаўскага Благачыння настаяцель царквы Успення Найсвяцейшай Багародзіцы ў горадзе Браславе пратаіерэй Анатолій Іваноў. Чырвонай стужкай у размове з дзецьмі прайшла думка, што дабро трэба тварыць свядома і добраахвотна, не патрабуючы нічога ўзамен, а, ўчыніўшы праступак, ачысціць сваю душу пакаяннем.
Будзем спадзявацца, што зярняткі дабрыні, пасеяныя ў чыстых душах трэцякласнікаў, дадуць буйныя і трывалыя ўсходы.
Алена Пятушка.
Фота аўтара.
Молодые люди из различных учреждений и организаций Браславщины объединились и благоустроили воинское захоронение в д.…
Прэзідэнт Беларусі Аляксандр Лукашэнка падпісаў Указ нумар 196 аб узнагароджванні ордэнам Маці. За нараджэнне і…
Комитет государственного контроля Витебской области проводит горячую линию с жителями по вопросу своевременности и качества…
В День семьи на городском стадионе состоялась спортландия, главными героями которой стали мамы, папы и…
В эти дни и по 24 мая сотрудники группы наркоконтроля и противодействия торговле людьми Браславского…
Выказаць павагу да беларускіх сімвалаў і гонар за прыналежнасць да сваёй Радзімы – так начальнік…