Конкурсная праграма праходзіла ў чатырох намінацыях. У кожнай з іх удзельнікам давялося раскрыць поспех дзейнасці свайго аб’яднання, расказаць пра яго дасягненні і адкрыцці, а таксама падзяліцца майстэрствам і вопытам работы.
Першапачаткова падчас “Візітнай карткі” важатыя мелі магчымасць, выкарыстоўваючы розныя жанравыя формы, паказаць свае лідарскія якасці ў школьным асяроддзі. Адметна тое, што да гэтага этапа конкурсу ўдзельнікі падышлі даволі творча і прадставілі на суд журы свае неардынарныя ідэі. Выключную ролю ў выступленні кожнага адыгралі і групы падтрымкі.
Акрамя арганізатарскіх здольнасцей, важаты павінен добра арыентавацца ў піянерскай атрыбутыцы, ведаць план работы свайго дзіцячага грамадскага аб’яднання, пра мерапрыемствы, якія праходзяць на школьным і раённым узроўнях. Лепшых у гэтым плане вызначыла “Медыаазбука”.
Трэці этап конкурснай праграмы пад назвай “Імідж важатага” прайшоў у атмасферы пазітыўнасці і непамернай дзіцячай фантазіі: з падручных сродкаў дзеці стваралі вобраз свайго лідара.
Напрыканцы праграмы не абышлося без займальных гульняў, арганізаваных канкурсантамі для гледачоў. У гэтым накірунку многія прыёмы былі запазычаны з работы аздараўленчага лагера “Зубраня”.
Атмасфера ў зале была дзіўная – жывая, гарэзлівая, святочная. Мерапрыемства хутчэй нагадвала вясёлую сяброўскую сустрэчу, чым спаборніцтва лідараў. Аднак прыйшоў час вызначыць пераможцу, і журы вынесла свой вердыкт. “Важатым года – 2013” стала навучэнка СШ №2 Кацярына Іоч. Бліскуча выступілі Дзіяна Баган з Відзаўскай СШ і Ганна Піртань з Урбанскай дзіцячы сад–сярэдняй школы. Дзяўчаты падзялілі другое і трэцяя месцы адпаведна. З чым іх і віншуем!
Таццяна Прашкевіч.
Девятого мая мы поинтересовались у браславчан, что они знают об этом дне и что для…
Са шчырай удзячнасцю за ратны подзвіг партызана, які набліжаў Перамогу, і самаадданую працу дзеля Радзімы…
Выявление и предупреждение фактов незаконного оборота алкогольной продукции – одно из важнейших направлений в деятельности…
Еще накануне Дня Победы спасатели Витебщины во главе с членом Совета Республики Национального собрания Республики…
Редакция получила ответ на критическую публикацию по поводу ненадлежащего качества ремонта дороги в д. Рубеж.…
На мемориале «Прорыв» в 7 километрах от Ушач выбита надпись: «Их было 17 195 против…