Адкрываючы пасяджэнне, старшыня райвыканкама Сяргей Шматаў зазначыў, што адзінае пытанне, вынесенае на парадак дня, мае першаступеннае значэнне для сельгасвытворцаў, бо ад таго, наколькі хутка і якасна пройдзе яравая сяўба, а за ёй і корманарыхтоўка, будуць залежаць увогуле вынікі года і аб’ём валавой сельскагаспадарчай прадукцыі.
А задачы, пастаўленыя сёлета перад аграрыямі раёна, сапраўды лёгкімі ніяк не назавеш. Як паведаміў начальнік райсельгасхарча Максім Чагарын, трэба атрымаць 85 тыс. т збожжа ў бункернай вазе, 6 тыс. т рапсу, 1,5 тыс. т бульбы, а значыць, павялічыць іх вытворчасць у параўнанні з мінулым годам у 1,8; 1,6 і 2,4 разу адпаведна, нарыхтаваць у аптымальныя тэрміны травяных кармоў у разліку 30 ц к.адз. на ўмоўную галаву жывёлы. Каб выканаць паказчык па тэмпах росту валавой прадукцыі сельскай гаспадаркі, сельгасарганізацыям раёна неабходна таксама ў 2013 г. надаіць 52,5 тыс. т малака (плюс 12,5 тыс. т да ўзроўню мінулага года пры ўдоі на карову 4330 кг), вырасціць 6,7 тыс. т БРЖ (плюс 1,5 тыс. т пры сярэднясутачных прывагах 600 г) і 4,2 тыс. т свіней (плюс 0,5 тыс. т пры сярэднясутачных прывагах 640 г).
Для забеспячэння жывёлы травянымі кармамі, неабходна нарыхтаваць 15 тыс. т сена (103% да ўзроўню мінулага года) , 175 тыс. т сенажу (125%) і 181 тыс. т сіласу (199%).
Таму ў рабочым плане правя-дзення веснавых палявых работ ужо сёння знайшлі адлюстраванне такія моманты, як тэрміны і аб’ёмы рамонту тэхнікі, ворыва, культывацыі, падкормкі азімых і травяных угоддзяў, сяўбы яравых збожжавых і рапсу, ільну, пасадкі бульбы, унясення гербіцыдаў, якія людскія рэсурсы і тэхніка будуць задзейнічаны. Размеркаваны плошчы пад размя-шчэнне тых ці іншых культур, вызначана, за кошт чаго будзе атрымана плануемая ўраджайнасць. Не абойдзены ўвагай пытанні фінансавага забеспячэння пасяўной, аховы і аплаты працы, эканоміі гаруча-змазачных матэрыялаў. Увогуле ж, выкананне плана, лічыць Максім Чагарын, без накладання адных работ на другія дазволіць правясці сяўбу ў аптымальныя агратэхнічныя тэрміны.
Тым не менш Сяргей Догель ахарактарызаваў план як тэарэтычную закладку. “Ужо ёсць план дзеянняў, сама аснова, — сказаў ён. – І гэта добра. Але пакуль яшчэ не бачу, як будзеце дзейнічаць канкрэтна.” У прыватнасці, яго турбуюць такія аспекты, як веснавое ўзорванне, арганізацыя двухзменнай работы, увогуле забяспечанасць механізатарамі, ход дзеянняў падчас уборкі лёну і інш. Найбольш жа хвалюе начальніка камітэта стварэнне ў раёне кармавой базы. Якая размова можа ісці пра валавую прадукцыю, калі ўжо сёння ў частцы гаспадарак даюць палавіну рацыёну і пайшлі на захаванне пагалоўя. Каб кожны год не вазіць травяныя кармы ад суседзяў, неабходна выразная праграма па травасеянні. Удакладняючы асобныя пазіцыі, ён шмат пытанняў адрасаваў непасрэдным выканаўцам планавых заданняў – кіраўнікам сельгасарга-нізацый.
Падводзячы вынікі пасяджэння, старшыня райвыканкама зазначыў, што абмеркаванне плана падрыхтоўкі да веснавых палявых работ, які знаходзіцца ў пачатковай стадыі, прайшло прынцыпова. Яго трэба насыціць большай канкрэтыкай, у тым ліку ўдакладніць, якія матэрыяльныя і людскія рэсурсы будуць за-дзейнічаны не ўвогуле, а на асобных участках работ у пэўныя тэрміны.
Казімір Пятушка.
Молодые люди из различных учреждений и организаций Браславщины объединились и благоустроили воинское захоронение в д.…
Прэзідэнт Беларусі Аляксандр Лукашэнка падпісаў Указ нумар 196 аб узнагароджванні ордэнам Маці. За нараджэнне і…
Комитет государственного контроля Витебской области проводит горячую линию с жителями по вопросу своевременности и качества…
В День семьи на городском стадионе состоялась спортландия, главными героями которой стали мамы, папы и…
В эти дни и по 24 мая сотрудники группы наркоконтроля и противодействия торговле людьми Браславского…
Выказаць павагу да беларускіх сімвалаў і гонар за прыналежнасць да сваёй Радзімы – так начальнік…