Між іншым даўней Купалле было сапраўдным шоу. Яно разгортвалася па строга вызначаным сцэнарыі, у якім кожны элемент дзеі меў свой адметны, магічны сэнс. Але і сёння Купалле – гэта адметныя абрадавыя дзеянні, варажба, павер’і, карагоды, песні і паданні.
Падрыхтоўка да свята пачыналася са збору траў і кветак. Сабраныя ў купальскія дні, яны лічыліся незвычайнымі і захоўваліся да наступнага года. Адным з іх прыпісваліся лекавыя ўласцівасці, другія маглі супрацьстаяць чарам, а іншыя былі прыкметамі дабрабыту ў будучыні. Пачыналася галоўная дзея ноччу з распальвання вогнішча, у сярэдзіну якога ўстаўляўся шост з драўляным абсмаленым колам і прывязаным да яго жытнёвым снопам. Не абыходзілася Купалле і без гульняў-ігрышчаў, летніх карагодаў, абрадавых песен. Безумоўна, адным з самых доўгачаканых момантаў купальскай ночы быў пошук папараць-кветкі. Нашы продкі верылі, што гэта чароўная расліна надзяляе знайшоўшага яе здольнасцямі разумець прыроду. Праўда, знайсці папараць-кветку лічылася справай няпростой.
Сёння цяжка сказаць, што ў Купалле прыцягвае больш за ўсё. Дзяўчатам, канечне, даспадобы сплятаць вянкі, хлопцам – скокі цераз вогнішча, аматарам жа відовішчаў і весялосці проста цікава далучыцца да агульнага свята.
І такая магчымасць гэтым купальскім вечарам была ва ўсіх. У Леснічоўцы было мнагалюдна, сабраліся не толькі браслаўчане, але і шмат турыстаў з іншых краін. Апошнія, дарэчы, на працягу ўсяго свята з цікавасцю назіралі за тым, што адбываецца, і казалі, што такога ніколі не бачылі.
Работнікі раённага Дома культуры выдатна падрыхтаваліся, таму цікавае тэатралізаванае прадстаўленне нікога не пакінула раўнадушным. Цыган дапамагаў Лесуну знайсці жаніхоў для трох яго дачок, а гэта аказалася не так проста, хлопцам трэба было спачатку прайсці складаныя выпрабаванні. І самыя смелыя і адважныя атрымлівалі прызы. А дзяўчатам неабходна было як мага хутчэй сплесці купальскі вянок, адарыць дзядзьку Лесуна кампліментамі. Конкурсы і гульні былі на розны густ, толькі ўдзельнічай, а самых маленькіх гледачоў запрашалі разам патанчыць пад песні ў выкананні артыстаў РДК.
А напрыканцы ўсіх прысутных аб’яднала купальскае вогнішча. Здаўна лічылася, што полымя валодае сілай, якая можа засцерагчы ад хваробы і прагнаць смерць. І нават надвор’е спрыяла добраму святочнаму настрою і цудоўнаму адпачынку. Тым больш, што, акрамя ўжо ўзгаданых момантаў свята, дзеці маглі пакатацца на атракцыёнах, а дарослыя паласавацца духмянымі шашлыкамі, смачнай выпечкай, марожаным і іншымі прысмакамі, патанцаваць на дыскатэцы ў Доме культуры.
Таццяна Пятушка.
Фота аўтара.
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…