Аляксандр Лукашэнка агучыў свае асноўныя патрабаванні да актуальных законапраектаў, якія прадугледжваюць карэкціроўку шэрагу існуючых нарматыўна-прававых актаў.
Кіраўнік дзяржавы адзначыў, што прывядзенне заканадаўства ў адпаведнасць з абноўленай Канстытуцыяй – вельмі важная для краіны тэма. «Пытанняў шмат, няпростыя, патрабуюць самай пільнай увагі», – сказаў ён.
Нагадаем, што зусім нядаўна на ўзроўні Прэзідэнта абмяркоўваліся праекты законаў «Аб Усебеларускім народным сходзе» і «Аб змяненні Выбарчага кодэкса». А цяпер на парадку дня – карэкціроўкі законаў «Аб Савеце Міністраў» і «Аб нарматыўных прававых актах».
Характарызуючы дакумент, які датычыцца дзейнасці Савета Міністраў, Аляксандр Лукашэнка падкрэсліў: «За апошнія гады наш урад набыў каласальны вопыт: пераадоленне крызісных сітуацый і пандэмій, кіраванне эканомікай у гэтых умовах». Такія напрацоўкі, паспяхова сфармаваную практыку, па яго словах, абавязкова трэба замацаваць у адпаведным законе. Кіраўнік дзяржавы таксама запатрабаваў у заканатворцаў «яшчэ большай ініцыятыўнасці, самастойнасці і нават смеласці ў прыняцці рашэнняў».
Важнасць другога дакумента – законапраекта аб нарматыўных прававых актах – тлумачыцца тым, што на яго аснове фарміруецца адзіная прававая прастора краіны. «У гэтым законе павінны атрымаць развіццё канстытуцыйныя нормы. Але з улікам існуючай абстаноўкі!» – заявіў кіраўнік дзяржавы.
Па яго словах, у дзеючым законе дэталёва прапісана, хто і якія дакументы мае права прымаць, іх юрыдычная сіла. Аднак са з’яўленнем у Канстытуцыі новага органа – Усебеларускага народнага сходу – трэба вызначыць і яго месца ў сістэме прававых актаў. ■
Паводле матэрыялаў БелТА
