Прэзідэнт Беларусі Аляксандр Лукашэнка прыняў рашэнне пра перанос тэрміну павышэння тарыфаў для насельніцтва ў сферы жыллёва-камунальнай гаспадаркі з 1 студзеня на 1 сакавіка бягучага года. Гэта зроблена ў мэтах недапушчэння значнага павелічэння для грамадзян фінансавай нагрузкі па плаце за ЖКП.
З адпаведнай прапановай да кіраўніка дзяржавы звярнуўся ўрад, і Прэзідэнт яе падтрымаў. Рост тарыфаў на ЖКП прадугледжваўся Указам ад 23 студзеня 2026 года нумар 33. Гэтым рашэннем Прэзідэнта планавае змяненне перанесена на больш позні тэрмін.
У выніку цяперашніх умоў надвор’я і ўстойліва нізкай тэмпературы знадворнага паветра ў студзені гэтага года на ацяпленне зрасходавана, паводле папярэдніх разлікаў, на 45 працэнтаў больш цеплавой, электрычнай энергіі і прыроднага газу, чым у снежні 2025-га. Гэта прагназуема павінна прывесці да росту плацяжоў насельніцтва за ацяпленне.
Рашэнне прынята зыходзячы з падыходаў па недапушчэнні дадатковай нагрузкі для грамадзян пры аплаце жыллёва-камунальных паслуг. ■
Паводле матэрыялаў БелТА.
