Прэзідэнт Беларусі Аляксандр Лукашэнка арыентуе дэпутатаў на больш актыўную работу на міжнародным узроўні. Пра гэта кіраўнік дзяржавы заявіў, прымаючы з дакладам старшыню Палаты прадстаўнікоў Нацыянальнага сходу Ігара Сергяенку.
«Вельмі важна цяпер закруціць, раскруціць работу на міжнародным узроўні. Усё ж такі народная дыпламатыя, на чале якой павінны ісці дэпутаты, цяпер вельмі важная. І яна дае свой эфект. Вы бачыце гэта і па рабоце нашых сенатараў (членаў Савета Рэспублікі – верхняй палаты беларускага парламента. – Заўвага БелТА). Іх, вядома, значна менш. Думаю, у гэтым напрамку трэба дзейнічаць і Палаце прадстаўнікоў. Тут як вы лічыце, нам пабудаваць работу?» – абазначыў адну з тэм даклада кіраўнік дзяржавы.
Аляксандр Лукашэнка пацікавіўся заканатворчай дзейнасцю дэпутатаў. Спытаў Прэзідэнт і пра работу Савета Палаты прадстаўнікоў, наколькі вырашаны розныя бытавыя пытанні народных выбраннікаў.
Ён таксама ў цэлым пацікавіўся, як Ігар Сергяенка свежым позіркам глядзіць на работу дэпутатаў у будучым як у цэнтры, так і на месцах. У І. Сергяенкі асабіста Аляксандр Лукашэнка спытаў, як яму працуецца на новай для яго пасадзе. Кіраўнік дзяржавы заўважыў, што за апошнія гады ў старшыні Палаты прадстаўнікоў адбываліся кардынальныя перамены ў кар’ерным плане.
Як адзначыў Ігар Сергяенка, Палата прадстаўнікоў працуе ў абноўленым складзе ўжо фактычна пяць месяцаў. Паводле яго слоў, усе арганізацыйныя пытанні, якія ставіліся ў тым ліку і кіраўніком дзяржавы, вырашаны. Гэта датычыцца як забеспячэння работы кожнага дэпутата, арганізацыі, аснашчэння працоўных месц, так і пытанняў, звязаных з пражываннем. «Усе дэпутаты ў годных умовах сёння жывуць і працуюць», – сказаў старшыня Палаты прадстаўнікоў. ■
Паводле матэрыялаў БелТА.
