«Усё ў вашых руках, дзейнічайце», – сказаў беларускі лідар Аляксандр Лукашэнка, звяртаючыся да зноў назначаных кіраўнікоў на месцах.
«Задачы, мужыкі, усе ведаеце. Я не аднойчы пра гэта казаў, – адзначыў Прэзідэнт Беларусі. – Год асаблівы. Усім трэба падрыхтавацца да палітычных кампаній».
На гэтым фоне кіраўнік дзяржавы даручыў звярнуць увагу на тыя пытанні, якія ставіць насельніцтва. Разам з тым гэта не здымае з людзей абавязкаў самастойна вырашаць асноўныя жыццёвыя праблемы і не чакаць дапамогі ўлад у дробных бытавых справах, заўважыў Аляксандр Лукашэнка.
«Глядзіце за цэнаўтварэннем. Глядзіце за праблемамі жыллёвакамунальнай гаспадаркі, – працягнуў Галава дзяржавы. – Пытанні сельскай гаспадаркі – гэта ваша кампетэнцыя. Адзін інвестыцыйны праект – адзін раён – таксама ваша задача. Гэта маё асабістае даручэнне кожнаму старшыні райвыканкамаў. Трэба бегаць хутка па краіне, шукаць інвестараў. Да канца года вы павінны далажыць пра рэалізацыю сваіх праектаў».
У полі зроку мясцовай улады заўсёды павінны знаходзіцца і пытанні развіцця вытворчай базы, перакананы кіраўнік дзяржавы. «Рынкі адкрытыя, асабліва велізарны расійскі рынак. Усім трэба варушыцца, не толькі абласной уладзе, але і старшыням гар- і райвыканкамаў, – запатрабаваў Аляксандр Лукашэнка. – Райвыканкамы ў нас не задзейнічаныя ва ўсю моц, яны недагружаныя ў гэтым плане. Патрабавальнасць у гэтым ключы будзе толькі ўзрастаць». ■
Па матэрыялах БелТА
