Ужо некалькі год запар пляцоўкай для свята служыць пляжная зона возера Бярэжжа. Арганізатары нездарма прапанавалі браслаўчанам менавіта гэтае месца, бо побач знаходзіцца мікрараён шматпавярховай забудовы, дзе жыве вялікая колькасць людзей, у тым ліку маладых сем’яў з дзецьмі.
Сёлета на Купалле зноў прыйшло шмат народу, і для ўсіх тут знайшліся цікавыя мерапрыемствы, гульні ды забавы. Многім спадабаўся канцэрт народнага ансамбля песні «На панадворку». Госці мерапрыемства – дзеці і дарослыя – з задавальненнем удзельнічалі ў гульнях народнага тэатра «Лёлі». Карысталіся папулярнасцю і інтэрактыўныя пляцоўкі, дзе можна было добра правесці час. Але, напэўна, самай прыцягальнай забавай было пляценне купальскага вянка. Побач з ахапкамі палявых кветак і галінак папаратніку тоўпіліся людзі, якія старанна перапляталі расліны між сабой – і ў кожнага атрымаўся індывідуальны галаўны ўбор. Многія дзяўчаты не ўпусцілі магчымасці запусціць свой вянок па вадзе і загадаць запаветнае жаданне.
Дзецям жа вельмі спадабалася пастаноўка вулічнага тэатра на хадулях, персанажы якога, дарэчы, і арганізавалі феерычную кульмінацыю свята – запальванне вогнішча. Браслаўчане і госці горада засталіся задаволеныя мерапрыемствам, пра што сведчаць іх водгукі.
Алег і Алена, браслаўчане:
– Некалькі год запар мы не наведваліся на гэтае свята, а сёлета вырашылі прагуляцца і не пашкадавалі. З упэўненасцю можам сказаць, што добра правялі свой час, сустрэлі шмат знаёмых і сяброў, паглядзелі канцэрт і выстаўку народных рамёстваў. Хочацца падзякаваць арганізатарам, што перанеслі мерапрыемства на пагодлівы дзень і годна правялі яго.
Надзея і Арына, госці з Мінска:
– Цяпер мы адпачываем на Браслаўшчыне ў сваіх родных і не маглі прапусціць мерапрыемства. Святкаванне Купалля нам вельмі спадабалася, мы даведаліся пра некаторыя мясцовыя традыцыі. Асабліва цікава тут усё арганізавана для дзяцей: батуты, гандлёвыя кропкі, інтэрактыўныя гульні і нават дыскатэка. Мы з задавальненнем правялі вечар на прыродзе. ■
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…