Пачалося свята маляўнічым прывітаннем «Беларусы – гэта мы!». Маштабная вакальна-харэаграфічная кампазіцыя, якую прадставілі дзеці, моладзь і шматлікія працоўныя калектывы, падкрэсліла вартасці нашай краіны, а таксама каштоўнасць мірнага свабоднага жыцця і пераемнасць пакаленняў. Прадоўжылі цырымонію ўдзельнікі аўтапрабегу ў гонар Дня Рэспублікі – яны рушылі ў шлях у накірунку Друі.
Асаблівасцю сёлетніх мерапрыемстваў стаў урачысты марш сілавых структур, які ўпершыню прайшоў у Браславе. У парадным страі пры музычным суправаджэнні ваеннага аркестра Полацкага пагранічнага атрада чаканілі крок разлікі опсаўскай пагранічнай камендатуры, аддзялення пагранічнага кантролю «Урбаны», Браслаўскага мытнага паста, РАУС, РАНС і навучэнцы класа МНС СШ № 2.
Браслаўчане аддалі даніну павагі вялікаму подзвігу народа ў гады Вялікай Айчыннай вайны. Урачыстая калона, у радах якой – кіраўніцтва раёна, прадстаўнікі сілавых структур, грамадскіх аб’яднанняў, дэпутаты, кіраўнікі арганізацый, калектывы прадпрыемстваў, ветэраны працы, накіравалася да помніка воінам-вызваліцелям, дзе адбыўся мітынг-рэквіем «Мы гэтай памяці верныя». Віншуючы прысутных са знамянальнай датай, старшыня райвыканкама Вячаслаў Грышчанка падкрэсліў, што яе асаблівы сэнс – у дэманстрацыі адзінства, у імкненні да ўдасканалення нашага агульнага дома. «Разам мы – гарантыя ўпэўненай будучыні нашай краіны, нашага рэгіёна», – сказаў ён. Кіраўнік раёна нагадаў, наколькі важна шанаваць подзвіг беларускага народа, і адзначыў, што гістарычная праўда, яе данясенне да маладога пакалення – адна з асноў развіцця нашага грамадства. Выказаў В. Грышчанка і ўдзячнасць браслаўчанам за іх уклад у развіццё рэгіёна. З віншавальнымі словамі да ўдзельнікаў мерапрыемства таксама звярнуліся пракурор Браслаўскага раёна Юрый Кезік, старшыня раённага аддзялення Беларускага фонду міру Ірына Мацук і першы сакратар райкама БРСМ Алёна Гасюль. Хвілінай маўчання і воінскім салютам ушанавалі прысутныя памяць загінулых абаронцаў і ўсклалі вянкі і кветкі да падножжа помніка.
Прадоўжылася святкаванне Дня Незалежнасці ў Леснічоўцы, дзе адбыўся канцэрт творчых калектываў Браслаўшчыны і ваеннага аркестра Полацкага пагранатрада. Там жа працавалі інтэрактыўныя пляцоўкі ратавальнікаў, краязнаўчага музея, гарадской бібліятэкі і цэнтра дзяцей і моладзі, а таксама гандлёвыя кропкі і забаўляльныя пляцоўкі. ■
На этой черно-белой фотографии запечатлен момент присяги браславчанки Ирины Корвель, которая отправилась в командировку в…
«Не бяруся за справу, якую не магу зрабіць, не люблю інтрыг, валодаю неўтаймоўным аптымізмам, люблю…
Уже несколько лет кряду браславчан волнует качество воды, которая течет из кранов в их домах…
В Витебской области 27 апреля будет дан старт региональному этапу чемпионата Республики Беларусь по футболу…
Концепция национальной безопасности и Военная доктрина Республики Беларусь, которые были утверждены на заседании VII Всебелорусского народного собрания, официально…
Совсем недавно белорусский парламент принял поправки в законы по национальной безопасности. Одно из главных новшеств…