Працоўны калектыў Браслаўскай раённай інспекцыі прыродных рэсурсаў і аховы навакольнага асяроддзя зусім невялікі: начальнік інспекцыі Віталій Буда і галоўны спецыяліст Соф’я Александровіч. У такім складзе яны здзяйсняюць на тэрыторыі раёна дзяржаўнае кіраванне ў галіне навакольнага асяроддзя і рацыянальнага выкарыстання прыродных рэсурсаў. Таксама ў форме праверак кантралююць стан спраў у такіх сферах, як выкарыстанне і ахова водных рэсурсаў; ахова паветра і азонавага слоя; абарачэнне з адходамі; аднаўленне і выкарыстанне дзікіх жывёл і дзікарослых раслін, якія адносяцца да відаў, занесеных у Чырвоную кнігу Беларусі, драўнінна-хмызняковай расліннасці ў межах населеных пунктаў, дзікіх жывёл, якія не з’яўляюцца аб’ектамі палявання і рыбалоўства.

Па словах Віталія Буды, за 5 месяцаў бягучага года інспекцыя правяла 3 выбарачныя праверкі суб’ектаў гаспадарання, у выніку якіх выяўлены 93 парушэнні прыродаахоўнага заканадаўства. Таксама праведзены 32 маніторынгі і 29 мерапрыемстваў праверачнага характару, падчас якіх выдадзена 32 рэкамендацыі, 29 прадпісанняў на 248 пунктаў. Выяўленыя недахопы пастаянна знаходзяцца на кантролі, і 63 парушальнікі прыцягнуты да адміністрацыйнай адказнасці. Састаўлена і 7 актаў па фактах прычынення шкоды прыродзе, прад’яўлена 5 прэтэнзій аб кампенсацыі шкоды, прычыненай навакольнаму асяроддзю.

Найбольшая колькасць выяўленых парушэнняў тычыцца абарачэння з адходамі, выкарыстання вады, самавольнага карыстання нетрамі, незаконнага выдалення дрэў, выпальвання сухой расліннасці. ■

Казіміра ПЯТУШКІ